Бироқ, клубда киперлар билан ишлаётган туркиялик мураббий Иброҳим Йилмаз машғулотларга қайтгач Иванков деярли кўриниш бермади. Биз бу борада аниқлик киритиш мақсадида мутахассисга юзландик.

"Пахтакор" клуби билан келиша олмадим. Йил охирига қадар бу жамоада ишламаслигим аниқ. Жорий мавсум якунлангач яъни қишда қайтадан музокара ўтказишим мумкин. Ҳозирча терма жамоа йиғинлари бошлангунига қадар ўзимга жамоа қидиришга уриниб кўраман. Қолганини вақт кўрсатади",- дейди Денис Иванков.

Бунгача Иванков “Машъал”, “Насаф” жамоаларида самарали меҳнат қилиб кўплаб киперларни тарбиялаган ва катта футболда ўз ўрнига эга бўлишида катта ҳисса қўшганлиги кўпчилик учун сир эмас. Демак, ушбу мураббийни яқин орада ёки кейинги мавсумда Суперлига клубларида кўришимиз эҳтимоли катта. Ўйлаймизки, у бой тажрибаси ва билими билан яна кўплаб посбонларни етиштириб бера олади.

"Пахтакор"ни рестартга тайёрлашда хизмат қилган мураббий жамоада қолмади