Ички чемпионат учрашувлари ўтказилиши бошланган йилдан буён улар ўртасидаги ўйинлар ҳар қандай баҳсдан устун бўлиб келган. "Пахтакор"нинг Намангандан уч очко билан қайтиши ХХI асргача мушкул вазифа бўлиб келган. "Шерлар" эса бу борада анъанага 2001 йилги мавсумда чек қўя олишганини кўришимиз мумкин.

17.05.1992. "Навбаҳор" - "Пахтакор" 1:1

21.09.1993. "Навбаҳор" - "Пахтакор" 2:1

23.10.1994. "Навбаҳор" - "Пахтакор" 1:1

31.05.1995. "Навбаҳор" - "Пахтакор" 1:0

11.06.1996. "Навбаҳор" - "Пахтакор" 1:0

01.11.1997. "Навбаҳор" - "Пахтакор" 1:0

18.03.1998. "Навбаҳор" - "Пахтакор" 1:0

02.10.1999. "Навбаҳор" - "Пахтакор" 1:0

24.05.2000. "Навбаҳор" - "Пахтакор" 2:0

03.04.2001. "Навбаҳор" - "Пахтакор" 0:1

Учрашувдаги ягона ғалаба голини Баҳодир Сейткамолов урган. Футболчи ўша мавсум терма жамоа либосида ҳам муваффақиятли ўйинлар ўтказган, "Мердека" кубоги мусобақасида порлаган эди.

Ўша мавсум якунида "Навбаҳор" 18та жамоа орасида 4-ўринни қўлга киритган. "Пахтакор" эса кумуш медалларига эга чиққанди. "Нефтчи" эса ҳозиргача сўнгги бўлиб турган чемпионликни тантана қилган.

"Навбаҳор" ҳужумчиси Шуҳрат Мирхолдиршоев 23та гол билан тўпурарлар пойгасида учинчи бўлган.

Владимир Сальков бошчилигидаги Ўзбекистон терма жамоаси ЖЧ-2002 саралаш баҳсларида муваффақиятсизликка учраган.

НАВБАҲОР - ПАХТАКОР 0:1

03.04.2001. 4-тур, 31000 томошабин.

Гол: Баҳодир Сейткамолов

"Навбаҳор": Дмитрий Башкевич, Рашид Ғофуров, Сайдулло Турсунов, Хайрулло Каримов, Андрей Захаров, Сервер Жепаров, Тохир Мадраҳимов, Дмитрий Капанидзе, Санжар Асқаралиев, Вячеслав Запорожченко, Шуҳрат Мирхолдишоев (Улуғбек Мирхолдиршоев)

"Пахтакор": Олег Беляков, Қайрат Ўтабоев, Константин Сосенко, Геннадий Шарипов, Леонид Кошелев (Алексей Жданов, 60), Владимир Баранов, Андрей Власичев, Баҳодир Сейткамолов, Шуҳрат Раҳмонқулов, Мухтор Қурбонов, Неъматулло Куттибоев (Улуғбек Асанбаев, 78)

"Пахтакор"нинг янги аср бошида Намангандаги тарихий ғалабасини ёдга оламиз