"Мен президентга ва клуб раҳбариятига, шунингдек, мураббийга миннатдорчилик билдирмоқчиман. 37 ёшдаман, аммо энг юқори даражада ўйнай оламан. Клубга ёрдам бериш ва унинг номини оммалаштириш учун яна 2,5 йил вақтим бор.
Ҳар куни бир мақсад билан уйғонаман, совринларни ютишда давом этмоқчиман. Одатда ўйинчилар 30 ёшга тўлса, унга қариядек қараш бошланади. Аммо, мен шартномам якунида 40 ёшда бўламан. Эҳтимол, 42 ёшга қадар ўйнарман", — деди Пепе клуб матбуот хизматига берган интервьюсида.

Пепе "Порту" таркибига 2019 йилда келиб қўшилган эди. Тажрибали ҳимоячи фаолияти давомида "Реал", "Бешинтош" ва "Маритиму" жамоалари сафида ҳам тўп тепган.

Пепе: "Ҳар куни битта мақсад билан уйғонаман"