Энди афсонавий менеджер 2025 йилга қадар мазкур вазифани бажаради.

Флорентино Перес олтинчи марта "Реал" президенти этиб сайланди

Хориж нашрларининг тахмин қилишича, Ф. Перес бу муддат ичида келажакнинг "Реал"ини қуришга улгуради.
Француз Мадриддаги президентлигининг янги даврида ҳам аввал бўлгани каби катта юлдузларни олиб келади. 2000 йилларда Фиго, Бекхэм ва Зидан, 2009 йилда Кака, Роналду ва Бензема трансферини амалга оширган Переснинг янги даврдаги илк нишони Мбаппе бўлади.
"Реал Мадрид" раҳбарияти ушбу трансфер учун барча имкониятларини ишга солади. Франциялик форвард кейинги 10 йилда клубнинг лидери бўлиши керак.
Килиан билан бирга "қироллик клуби" ҳужум чизиғида ўйнаши режа қилинаётган бошқа ном — Эрлинг Холанд.
Мбаппе ва Холанднинг "Реал"га бир мавсумда эмас, турли йилларда келиши эҳтимолдан йироқ эмас. Аммо, испан матбуоти бу 2 номнинг охир-оқибат "қаймоқрангли" либос кийишига ишонмоқда...
Мино Райола ҳам Эрлингни Мадридга олиб ўтмоқчи. У мижози ҳафтасига 1.15 миллион евро маош оладиган шартнома тузишни мўлжаллаяпти. Райоланинг бу режаси амалга ошса, Холанд янги жамоасида йилига 60 миллион евро ишлаб топади ва футбол оламининг энг кўп пул топадиган ўйиничисига айланади.
Шундай экан, Серхио Рамос, Лука Модрич, Марсело, Карим Бензема ва Тони Кроос сингари клубнинг бугунги етакчилари тез орада ўтмишга айланиши, уларнинг ўрнини янги номлар эгаллашини тахмин қилиш қийин эмас. Қадрли ўқувчи, "Реал"нинг яқин келажаги ҳақида сиз қандай фикрдасиз?
Дарвоқе, Переснинг энг катта лойиҳаларидан бир ҳисобланган янги "Сантьяго Бернабеу" 2022 йилнинг октябрь ойида фойдаланишга топширилади.

Перес "Реал"да қолди. У келажак жамоасини қурмоқчи