Шикоятда қайд қилинишича, футболчи жароҳат олгани учун Эрон клуби уни Ўзбекистон йиғинига боришига рухсат бермаган. Бироқ Остон терма жамоа ўйинларида қатнашиш учун Тошкентга келган ва жароҳатини оғирлаштириб олган. «Персеполис» муҳим ўйинларда ундан фойдалана олмаяпти.

Ўзбекистоннинг октябрь ойидаги йиғини бошланишидан бироз аввал Остон Ўрунов «Персеполис»нинг «Чадормалу» жамоасига қарши учрашувнинг асосий таркибидан жой олган эди. Аммо ўйинолди машғулотларда жароҳат олган ўзбекистонлик ҳужумчи ўз ўрнини бошқа футболчига бўшатиб берган. Эрон журналистлари унинг 3-4 ҳафтага сафдан чиққанини маълум қилганди.

Кейинчалик футболчи Эрон ва БААга қарши учрашувларда қатнашиш учун Тошкентга келди.

10 октябрь куни Эронга қарши ўтказилган Ўзбекистон термасининг ўйинида Остон Ўрунов 71-дақиқада захирадан майдонга тушди.

15 октябрь куни ўтказилган Ўзбекистон — БАА учрашувида Ўрунов жароҳат сабаб қатнашмаслиги маълум қилинди.

«Персеполис» Ўрунов сабаб Ўзбекистон футбол ассоциацияси устидан ФИФАга шикоят қилди