Биринчи хабарда 29-турдан ўрин олган бир қатор ўйинларнинг санаси ўзгаргани ҳақида маълумот берилган унга кўра терма жамоанинг ЖЧ-2018 саралаши доирасидаги ўйинларга муносиб тайёргарлик кўриши учун 4та ўйиннинг санаси ўзгарган.

«Олмалиқ» - «Бунёдкор», «Насаф» - Пахтакор», «Локомотив» - «Машъал» ўйинлари 5дан 4 ноябрга кўчирилди. «Шўртан» - «Навбаҳор» учрашуви эса 4дан 5 ноябрга кўчирилди.

Демак 29-турнинг тақвими қуйидагича кўриниш олади:
4 ноябрь (чоршанба)
Олмалиқ – Бунёдкор
Насаф – Пахтакор
Локомотив – Машъал

5 ноябрь (пайшанба)
Шўртан – Навбаҳор
Қизилқум – Металлург
Бухоро – Нефтчи
Қўқон-1912 – Сўғдиёна
Андижон – Динамо

Энди иккинчи хабарга ўтамиз. Унда "ПФЛ регламентининг 4 боб, 4.16 бўлимига биноан чемпионатнинг охирги иккита турининг барча ўйинлари бир вақтда бошланади. 29 ва 30–тур баҳслари соат 14.00да старт олади", деб ёзилган.

29-турдан ўрин олган ўйинлар икки кун давом этишини юқорида ёздик. Энди кимдир менга бу ўйинлар қандай қилиб бир вақтда бошланишини айтиб берсин. Ёки бир вақтда бошлаш дегани ўйинлар турли кунларда бўлса ҳам соат 14:00га белгиланиши деганими?

Нарзулла Сайдуллаев

ПФЛ регламентига қулоқ солмайдиган ПФЛ