"Россонери" сўнгги 6 ўйинда фақатгина бир марта ғалаба қозонди.

"Биз истаган ва намойиш қила олишимиз мумкин бўлган ўйинни кўрсата олмадик. Биз олдинга ўтавергандан кўра ўйинимизга тартиб ва сифатни олиб киришимиз керак. Ҳатто ўтган ҳафталар мобайнида натижани ўзимизники қила олмаган бўлсак-да, яхши ўйин намойиш қилгандик. Бугун эса ундай бўлмади.
Натижалар ва ўйин сифати доимо хавотирга сабаб бўлади. Ушбу ўйин қийин ўтишини билгандик, чунки "Удинезе" исталган рақибига ритмини топиб олиши учун имконият бермаслиги мумкин. Умуман олганда учрашув бизнинг стандартларга мос ўтмади. Биз олдинга ҳаракатланиш учун иштиёқ топишимиз, кўплаб ҳолатларда сифатлироқ ишлашимиз керак.
ЕЧЛда фақатгина бир натижа бизни қониқтиради. Бунда биз ҳар бир аспектда: техник, жисмоний ва тактик томонлама ўзимизни кўрсатишимиз керак. Бугунги кўнгилсиз натижадан кейин ПСЖга қарши ўйинга яхшироқ тайёрланишимиз керак", - деди Пиоли.

Пиоли: "Мухлисларнинг норозилиги ўринли"