Бир неча кун олдин Андреа Пирло "Ювентус"даги илк мавсумидан қизиқ бир жиҳатни эсга олди: "Фақат чап оёқда ўйнаган баҳсларим бўлган. Ўнг тиззам оғрирди, шу сабабли фақат бир оёқдан фойдаланишга тўғри келган. "Лечче", "Новара" ва "Наполи"га қарши шундай бўлганини эслайман".

Ишониш қийин бўлган ҳикоя. Аммо Пирло ёлғон гапирмаган, бироз бўрттириб юборган. Унинг гапида "фақат" сўзи ортиқчага ўхшайди, чунки Андреа ўнг оёғини ҳам ишлатиб турган. Лекин италияликнинг ўша пайтдаги ҳаракатларини кўрганингизда, уни чапақайдан ажрата олмаган бўлардингиз.

Бу Антонио Контенинг Туриндаги дастлабки мавсуми эди, "Ювентус" тезда ўртамиёна жамоадан соврин учун асосий даъвогарлардан бирига айланди. Жамоа Пирлонинг кучли сифатлари атрофида қурилган.

Конте ўша пайтда қуйидаги гапларни айтганди: "Андреадек футболчиларни топиш жуда қийин. Унинг техникаси юқори даражада. Тўп билан бўлсак у бутун жамоага хотиржамлик бағишлайди ва вазиятларни жуда яхши ўқийди. Агар бу иқтидорга ҳамма нима қилишни биладиган тизимни қўшсак, унинг сифатлари янада кучлироқ порлайди. Жисмоний ҳолат унинг кучли томони эмас, Пирлонинг фикрлаш ва тўп билан муомалада бўлиш қобилияти фантастик даражада. Тўғри шароитда у бутун жамоани бошқара олади".

Ўша йили Антонио айнан шу жараённи ишга туширган эди. Андреанинг жамоадаги обрўси жуда баланд бўлган. У "Милан"нинг кераксиз ўйинчисидан А Сериянинг йил футболчисига даъвогарлик қиладиган футболчисига айланди.

Ўшандаёқ Конте ва Пирло ўртасида ўзгача алоқа пайдо бўлганди. Андреа бир неча бор Антониони "даҳо" ва "фаолиятидаги энг яхши мураббий" деб атаганди.

"Агар Арриго Сакки даҳо бўлса, Контени нима деб атай, бундан яхшироқ сўз борми? Мен уни яхши мураббий деб ўйлагандим, аммо бунчалик эканлигини тасаввур ҳам қилмагандим. Керакли вақтда Антонига дуч келдим. У мени ҳаммадан кўпроқ ҳайрон қолдирди" - деб ёзганди Пирло ўз автобиографиясида.

Андреадан яна бир иқтибос: "Конте футболчилар бор кучини ишга солишини хоҳлайди. У сени максимал даражангдан ҳам яхшироқ ҳаракат қилишга ундайди".

Пирло тезда Конте маданиятига кўникди ва у учун кўп нарсаларга қодир эди. Масалан, тиззасидаги жароҳат билан ўйнаш. Ўйин Пирло атрофида қурилгани туфайли Конте билан шундай келишув бўлган: Андреа муҳим баҳсларда майдонга тушади, аммо Андреа ўнг оёғидан минимал даражада фойдаланади. Оддий футболчи учун бу ақлга сиғмайдиган ғоя эди. Аммо Пирло даҳоку.

Андреа жароҳат билан ҳаракат қилган ўйин натижалари:

Пирло жароҳатда ўтказган ўйинлари
26.11.2011	Лацио - Ювентус 0:1	90 дақиқа
29.11.2011	Наполи - Ювентус 3:3	90 дақиқа
04.12.2011	Ювентус - Чезена 2:0	ўйнамаган
09.12.2011	Ювентус - Болонья 2:1	ўйнамаган
12.12.2011	Рома - Ювентус 1:1	90 дақиқа
18.12.2011	Ювентус - Новара 2:0	80 дақиқа
21.12.2011	Удинезе - Ювентус 0:0	90 дақиқа
08.01.2012	Лечче - Ювентус 0:1	88 дақиқа

Пирло даволанаётган пайтда учрашувларнинг 76%да иштирок этди. "Чезена" билан баҳс А Серияда ўтказиб юборилган ягона учрашув бўлди ("Болонья"га қарши ўйин кубокда ўтказилган).

Жароҳат билан ўйнаш таваккал қарор эди: У майдонга тушиб, жамоадошларига ишонч бағишлаши мумкин, аммо жароҳатини оғирлаштириб олиши ҳам мумкин эди. Андреа ақлли футболчи бўлгани учун техникаси эвазига ўйинини ўзгартирди ва таваккални минималлаштиришга муваффақ бўлди.

Пирло қуйидагича ўйнади:

- Ҳақиқатдан ҳам кўпроқ чап оёқда пас берди. Унинг узатмалари аввалгидек юқори савияда қолди.

- У одатдагидан камроқ ҳимояга ёрдам берди. Бу ярим ҳимоячиларнинг юкламаларини оширди (айниқса Артуро Видалнинг), улар вазифаларини уддалай олмаганда, бу муваффақиятсизликларга олиб келарди.

- Видеода эса барчаси яхши таҳлил қилинган.

Андреа Пирлонинг статистикаси
Чапақай Пирло	2011/2012	Жароҳатсиз Пирло
85%	Узатмалар аниқлиги	87%
83%	Узун паслар аниқлиги	85%
1,9	Зарбадан аввалги паслар	3,4
ўртача 90 дақиқада

Андреанинг кўрсаткичлари умуман ўзгармаганда ғалати бўларди, аммо узатмалар ва узун паслар аниқлиги бироз пасайди, шунга қарамай топ даражада қолди. Бу зарбалардан олдинги паслар сонидаги ўзгаришлар. Бу ерда фақат жароҳатни эмас, тақвимни ҳам ҳисобга олиш керак. Ушбу жиҳат рақамларга таъсир қилди.

Энг ажойиби: Ҳатто жароҳатланган Пирло қийин пайтда ҳам тўп назорати бўйича А Сериянинг бошқа таянч ярим ҳимоячиларидан яхшироқ натижа кўрсатган. Рақиблар орасида ҳеч ким ҳужумга Пирлодек фойда бермасди (зарба учун ўртача 1,9та пас). Аниқлик ва узатмалар сони бўйича фақат Даниэле Де Росси ва Марк Ван Боммел рақобатчи бўлди, аммо уларда жароҳатлар кузатилмаганди.

Пирло буюклигига яна бир исбот: У жароҳат туфайли фақат чап оёқда ўйнаган ва топ даражада ҳаракат қилган