“Ибра “Милан” учун ўта муҳим аҳамият касб этади. У жамоанинг ўйинга бўлган муносабатини ижобий томонга ўзгартира олади. Мен буни ўзимнинг тажрибамдан биламан.

Унинг жамоадошлари ҳар бир машғулотга чин дилдан ёндашишади. Чунки Златан улардан 100% кучларини сарфлашларни талаб қилади. Бу жараёнда у сенга бақириши, жаҳлини кўрсатиши мумкин. Бу каби хислатга эга футболчилар камдан кам учрайди.

Қолаверса у илгаригидек кучга эга бўлмасада, майдонда кўп нарсаларни ўзгартириб юборишга қодир. “Манчестер Юнайтед” сафаида тўп тепиб юрган пайтида олган жароҳатидан кейин у илгаригидек самарали ўйнай олмаган бўлсада, ёш ўтган сайин майдонда кўп югуриш эмас, балки позицияни аниқ танлай билиш тўғри йўл эканлигини ҳис қиласан.

Унинг кейинги фаолияти фақат ўзига боғлиқ. Мен 38 ёшимда фаолиятимни якунладим, чунки тиззамда оғриқни ҳис қила бошладим”, дейди Пирло.

Пирло: “Златан “Милан” учун жудаям муҳим”