Эртага Қарши шаҳридаги мамлакатимизда Республика доирасида мусобақа ўтказиш талабини берувчи ягона пляж майдонида бошланадиган Ўзбекистон Кубоги ўйинларига бугун қуръа ташлаш маросими ўтказилди.

16-21 июль кунларига белгиланган, Қаршидаги “Геолог” спорт мажмуаси ҳудудидаги пляж майдонида бўлиб ўтадиган мусобақада 12 та жамоа иштирок этадиган бўлди. Ўзбекистон Профессионал футбол лигасининг етакчи мутахассислари А.Файзиев ва О.Юнусов, Қашқадарё вилоят футбол ассоциацияси биринчи вице-президенти Н.Даминов иштирокида ўтган қуръа ташлаш маросимидан кейин жамоалар учта жамоадан тўрт гуруҳга бўлинди. Булар:

“А” гуруҳи – “Касби” (Касби тумани, “Машъал” клуби қошидаги футбол мактаби мураббийлари, бош мураббийи Отажон Алиқулов), “Локомотив” (Қаршидаги шу номдаги спорт клуби, Баҳром Усмонов), “Бинокор” (Қашқадарё биринчилиги иштирокчиси, Арслон Шаропов).

“В” гуруҳи – “Қарши” (“Бинокор-2” жамоаси), “Пўлати” (Косон туманидаги “Бунёдкор” профессионал спорт клуби, Наврўз Бекмуродов), “Когон” (Бухоро вилояти Когон шаҳридаги профессионал футзал жамоаси, Фузулий Хайруллаев).

“С” гуруҳи – “Нишон” (Суперлигадаги “Насаф” клуби қошидаги футбол мактаби мураббийлари, Шерали Мадалов), “Косон” (вилоят биринчилиги иштирокчиси, Рустам Тоғаев), “Самарқанд” (Самарқанд вилоят биринчилигида иштирок этаётган жамоалар мураббийлари терма жамоаси, Дилшод Ҳайдарқулов).

“D” гуруҳи – “Машъал” (Про-лигадаги “Машъал” футбол академияси мураббийлари, Дилшод Андаев), “Насаф” (Суперлигадаги “Насаф” футбол академияси мураббийлари, Илёс Пардаев), “Адолат” (Қашқадарё вилоят хавфсизлик хизмати ходимлари).

Учрашувлар тақвими:
17 июль
“Касби” – “Бинокор”
“Қарши” – “Когон”
“Нишон” – “Самарқанд”
“Машъал” – “Адолат”

18 июль
“Локомотив” – “Бинокор”
“Пўлати” – “Когон”
“Косон” –“Самарқанд”
“Насаф” – “Адолат”
“Касби” – “Локомотив”
“Қарши” – “Пўлати”
“Нишон” – “Косон”
“Машъал” – “Самарқанд”

19 июль
Чорак финал

20 июль
Ярим финал

21 июль
Финал.

Пляж футболи: Ўзбекистон Кубогида 12 та жамоа иштирок этади