Пляж футболи бўйича ФИФА рефериси Бахтиёр Намозов Таитида давом этаётган пляж футболи бўйича жаҳон чемпионати баҳсларида ишламоқда.

Ўзбекистонлик рефери айни дамгача жаҳон чемпионати баҳсларида 6та учрашувни бошқаришга улгурди. Жумладан, Бахтиёр Намозов иккита ўйинда бош ҳакам вазифасини бажарган бўлса, яна иккита учрашувда заҳира ҳаками сифатида ишлаган. Намозов, шунингдек иккита ўйинда учрашув вақтини белгилаб турувчи ҳакам (таймкипер) вазифасини бажарган.

Таъкидлаш жоиз, Бахтиёр Намозов, Ўзбекистон вакиллари орасида пляж футболи бўйича ягона ФИФА ҳаками саналади.

Айни дамда, Таитида бўлиб ўтаётган пляж футболи бўйича жаҳон чемпионати баҳсларида барча ярим финал иштирокчилари аниқланди. 28 сентябрь куни ярим финал учрашувлари бўлиб ўтади ва унда Россия Таити билан Бразилия эса Испания терма жамоаси билан куч синашади.

Таитида бўлиб ўтаётган жаҳон чемпионати баҳсларида Бахтиёр Намозов бошқарган ўйинлар:

18 сентябрь
Парагвай – Кот д`Ивуар 10:6
Бош ҳакам: Бахтиёр Намозов

20 сентябрь
Украина – Бразилия 2:4
Таймкипер: Бахтиёр Намозов

21 сентябрь
Соломон ороллари – Аргентина 5:8
Заҳира ҳаками: Бахтиёр Намазов

22 сентябрь
Эрон – Украина 2:3
Таймкипер: Бахтиёр Намозов

23 сентябрь
Таити – Испания 2:4
Бош ҳакам: Бахтиёр Намазов

Чорак финал
25 сентябрь
Россия – Эрон 6:5
Заҳира ҳаками: Бахтиёр Намозов

Пляж футболи: Бахтиёр Намозов Таитидаги ЖЧ баҳсларида 6та ўйинни бошқарди