"Биз "Арсенал"ни ҳурмат қиламиз. Ажойиб жамоа. Клубни Микель Артета бошқаради, у мен учун оилам аъзосидек бўлиб қолган. "Челси"га осон бўлмайди, чунки "Арсенал" яхши ўйнамоқда ва улар ажойиб таркибга эга. Улар барча мусобақаларда, жумладан, АПЛ ва Чемпионлар Лигасида ғалаба қозонишга даъвогарлик қилишмоқда.
Шунинг учун Артета қандай иш олиб бораётгани мени ҳайрон қолдираётгани йўқ. У зўр, ёш ва кундан-кунга ривожланиб бормоқда. Микель дунёнинг энг буюк мураббийларидан бирига айланиши мумкин", – деди Почеттино.

Эслатиб ўтамиз, "Челси" – "Арсенал" учрашуви бугун 21 октябрь куни "Стемфорд Бриж"да бўлиб ўтади. "Арсенал" 20 очко билан "Тоттенхэм" билан қўшпешқадам ва тўплар фарқи бўйича "шпорлар"ни ортда қолдирмоқда. "Челси" 11 очкога эга ва 11-ўринда кетяпти. Бироқ "кўклар" аста-секин кучайиб бормоқда – улар кетма-кет иккита ғалабани қўлга киритишди.

Почеттино ўзаро учрашув олдидан Артетани мақтади