Меҳмонлар 83-дақиқада ҳисобни очишди — Кристо Гонсалес гол муаллифи. Ўйиннинг асосий вақтига 17 дақиқа қўшиб берилди. Натижада, жамоалар яна 20 дақиқадан кўпроқ ўйнашди.
90-дақиқада меҳмонлар дарвозаси томон пенальти белгиланди, лекин бош ҳакам Мигел Ногейра техник муаммолар туфайли VAR-марказидагилар билан боғлана олмаслиги оқибатида ўйинда тўхталиш содир бўлди. Охир-оқибат ҳакамга мобил телефон беришди ва у ҳамкасблари билан телефон орқали боғланиб, ўн бир метрлик жарима зарбасини бекор қилди.
"Порту" 90+15-дақиқада пенальти тепиш ҳуқуқига барибир эга бўлди, бироқ ундан фойдалана олмади. Орадан яна тўрт дақиқа ўтиб, 90+19-дақиқада "Порту" ҳисобни тенглаштиришни амаллади.
Эслатиб ўтамиз, Сержиу Консейсау шогирдлари Португалия чемпионатида 2-ўринни эгаллаб туришибди, жамоа ҳисобида 10 очко бор. "Арока" эса 6 очко билан 7-ўринда бормоқда.
Изоҳлар