29 ёшли ярим ҳимоячи "Ливерпуль" билан ўзининг "Энфилд"даги шартномасининг охирги олти ойлигига кирди. Футболчининг ўзи ёзда бошқа клубга ўтишни истайди ва бунга Мерсисайд клуби ҳам қарши эмас. Окслейд-Чемберлен Қатардаги Жаҳон чемпионатидан кейин ички чемпионатлар давом эттирилгач Юрген Клопп томонидан 5 та ўйинда майдонга туширилганига қарамай, январь ойидаёқ бошқа клубга ўтиши кутилмоқда.
Майдон марказининг барча нуқталарида ўйнай оладиган футболчи жорий мавсум "қизиллар" либосида турли турнирларда жами 9 та ўйин ўтказди ва 1 та гол уришга эришди.
