«Андижон» (Андижон) – «Динамо» (Самарқанд)
5 ноябрь 2015. Андижон. "Соғлом авлод" стадиони. 14:00
Ҳакамлар: М. Муҳамедов (Тошкент вил.), Р. Серазетдинов (Тошкент), С. Шоюсупов (Тошкент), А. Шукуруллаев (Тошкент)
Назоратчи: А. Попов (Тошкент).

“Андижон” ва “Динамо” олий лигада 39 бора тўқнаш келишган. Ушбу ўйинлардан 14тасида андижонликлар ғолиб бўлишган. Етти ўйин дуранг ҳисобида якунланган. “Динамо” шу кунга қадар олий лигада “Андижон”ни 18 марта мағлубиятга учрата олган.

“Динамо” шу кунгача ўзаро ўйинларда “Андижон” дарвозасига 61та гол киритган. “Андижон”нинг голлари эса 50та. “Бургутлар” ўзаро ўйинларда 49 очко ишлаб олишган бўлса, “арслонлар” 61 очкони қўлга кирита олишган. “Динамо”нинг олий лигада “Андижон” устидан эришган энг йирик ғалабаси 6:1ни ташкил қилади. “Андижон”нинг самарқандликлар устидан қозонган энг йирик ғалабаси эса – 4:1га тенг.

Дастлабки даврада “Динамо” ўз мухлислари қаршисида зафар қучган. Азиз Ибрагимов ва Отабек Зокировнинг урган голларига “бургутлар” сафида Темур Васильев жавоб берганди – 2:1.

Андижонда ўтган сўнгги беш учрашув:
12.04.2014 «Андижон» - «Динамо» 2:3
14.04.2012 «Андижон» - «Динамо» 0:3
25.08.2011 «Андижон» - «Динамо» 2:0
14.08.2010 «Андижон» - «Динамо» 1:0
03.10.2009 «Андижон» - «Динамо» 2:0

Ўзаро ўйинлар ҳақида факт: “Андижон” ўз уйида бўлиб ўтган 19та ўйиннинг 13тасида ғолиб бўлган. Иккита учрашувда дуранг қайд этилган. “Динамо” сафарда 4 бор Андижондан уч очко билан қайтган. Қизиғи водийда ўтган охирги икки ўйинда “арслонлар” сафарда бўлишига қарамай ғалабага эришишган.

Превью. "Андижон" - "Динамо"