Катта устунлик “Нефтчи” томонида. 31та ўйинда “Нефтчи” рақибни мағлуб этган. Олти ўйинда “бургутлар”нинг қўли баланд келган. Яна беш учрашувда дуранг натижа қайд этилган. “Нефтчи” ўзаро ўйинларда 86 бор рақиб дарвозасига йўл топа олган. “Андижон” эса 35 марта гол ура олган. “Нефтчи” ўзаро ўйинларда 98 очкони қўлга киритган бўлса, андижонликлар ҳисобида 23 очко мавжуд. “Нефтчи”нинг “Андижон” устидан қозонган энг йирик ғалабаси – 7:1. “Бургутлар”нинг энг йирик ғалабаси эса - 2:0.

Ўтган мавсум Андижондаги баҳсда ҳисобни мезбонлар вакили Баҳром Абдураҳимов очганди. Бунга Мурод Бобожонов (2та) ва Александр Оника жавоб бериб “Нефтчи”га ғалаба келтирган эди – 1:3. “Нефтчи” майдонида ўтган учрашувда Шерзод Ҳакимовнинг ягона голи барчасини ҳал қилганди – 1:0.

Андижонда ўтган сўнгги беш учрашув:
22.06.2014 «Андижон» – «Нефтчи» 1:3
29.04.2012 «Андижон» – «Нефтчи» 1:0
27.07.2010 «Андижон» – «Нефтчи» 1:0
19.09.2009 «Андижон» – «Нефтчи» 3:2
18.05.2008 «Андижон» – «Нефтчи» 0:0

Ўзаро ўйинлар ҳақида факт: “Андижон” ўз майдонида анчайин кучли рақибларни ҳам мағлуб эта олишини биламиз. Аммо “Нефтчи” уларга жуда ноқулай рақибдир. “Андижон”нинг ўз майдонида “Нефтчи”га қарши ўтказган барча ўйинлари натижалари қуйидагича: 6 ғалаба, 4 дуранг, 11 мағлубият.

Нарзулла Сайдуллаев тайёрлади

Превью. "Андижон" – "Нефтчи"