«Андижон» (Андижон) – «Пахтакор» (Тошкент)
1 июль 2015. Андижон. “Соғлом авлод” стадиони. 18:30
Ҳакамлар: Ш. Қосимов (Тошкент), Х. Шодмонов (Бухоро), А. Цапенко (Тошкент вил.), Б. Юльчараев (Гулистон)
Назоратчи: Ф. Абдуллаев (Тошкент).

“Андижон” ва “Пахтакор” олий лигада жами 42 бора тўқнаш келишган. Натижалар “Пахтакор”нинг устунлигини кўрсатмоқда. Тошкентликлар 31та ўйинда ғолиб бўлишган. 8та ўйинда дуранг қайд этилган. “Андижон” ҳисобида 3та ғалаба бор. Тўплар нисбатида ҳам “Пахтакор” олдинда - 103:31. Ўзаро ўйинларда “шерлар” 101 очкони, “бургутлар” эса 17 очкони қўлга киритган.

“Андижон”нинг ўзаро ўйинларда қозонган энг йирик ғалабаси – 2:1га тенг. “Пахтакор”нинг энг йирик ғалабаси 6:1.

Ўтган йил ҳар иккала баҳсда ҳам “Пахтакор” ғалаба қозонган. Андижондаги баҳс тақдирини Боян Миладинович томонидан урилган гол ҳал қилган – 0:1. Тошкентда Баҳодир Пардаев ва Егор Кримецнинг голлари эвазига “бургутлар” мағлуб этилганди – 2:0.

Андижонда бўлиб ўтган сўнгги беш учрашув:
15.03.2014 «Андижон» - «Пахтакор» 0:1
21.09.2012 «Андижон» - «Пахтакор» 2:4
01.07.2011 «Андижон» - «Пахтакор» 2:1
16.10.2010 «Андижон» - «Пахтакор» 1:1
05.03.2009 «Андижон» - «Пахтакор» 0:0

Ўзаро ўйинлар ҳақида факт: Андижонда бу жамоалар ўртасида бўлиб ўтган 21та баҳснинг учтасида “бургутлар” ғалаба қозонишган. Бешта баҳсда ғолиб аниқланмаган. 13 учрашув “шерлар”нинг муваффақияти билан тугаган.

Превью. "Андижон" - "Пахтакор"