"Депортиво Алавес" - "Реал Бетис"
Бош ҳакам: Игнасио Иглесиас Виллануева

"Алавес" ўз майдонида мана 4 ўйиндирки, зафар қуча олмаяпти. "Қироллик клуби" вакиллари 4 та гол уришган бўлса, "Малага" ва "Лас Пальмас"билан баҳслар 1:1 ҳисобида якунланди, каталонининг "Эспаньол" жамоаси сафардан кичик (1:0) ҳисобдаги ғалаба билан қайтган.

"Бетис" сўнгги 3 ўйинда 7 очко жамғаришга муваффақ бўлди. Қайд этиш зарур, уларнинг барчаси ўз майдони - "Бенито Вильямарин" стадионида бўлиб ўтди. Жамоа аввалига Ла-Коруньянинг "Депор"ини таслим қилди (1:0), кейинги меҳмон - "Сельта" билан жанговар 3:3 ҳисобидаги дурранг қайд этилди. Ҳисобда ортда бораётган "Бетис" футболчилари, ирода кўрсатиб, учрашувни ўз фойдаларига ҳал этай дейишганди. Аммо ғалаба учрашувнинг 85-дақиқасида меҳмонлар футболчиси Факундо Ронкалья томонидан урилган голдан сўнг, бой берилди.

Бу ўйин тарихга шунингдек, Рубен Кастронинг 70-голи қайд этилган учрашув сифатида кирди. Шу тариқа, у Альфонсо Пересни (69) ортда қолдирди. Рубен Кастро клуб тарихидаги "энг кўп гол урган"лар орасида 2-поғонага чиқиб олди. Кейинги "нишон" Поль Ринконнинг "78та гол" натижаси!

ЎЗАРО УЧРАШУВЛАР ТАРИХИ:

25.04.15 "Ла Лига" Сегунда "Алавес" - "Бетис" 1 : 2

23.11.14 "Ла Лига" Сегунда "Бетис" - "Алавес" 1 : 2

03.05.06 "Ла Лига" Примера "Алавес" - "Бетис" 2 : 0

21.12.05 "Ла Лига" Примера "Бетис" - "Алавес" 3 : 0

01.06.03 "Ла Лига" Примера "Алавес" - "Бетис" 0 : 1

Қизиқарли фактлар:

"Бетис" меҳмондаги охирги 12 учрашувнинг барчасида гол ўтказиб юбормоқда. Жами - 28 та.

"Бетис" Ла Лига доирасида басклар жамоаларини 2012 йилнинг августидан бери юта олмайди. Ўшанда жамоа "Атлетик" устидан 5:3 ҳисобида зафар қучган. 8 та учрашувда 2 дуранг ва 6 мағлубият. Ҳар бир ўйинда ўртача 2,5 тадан гол ўтказиб юборади.

"Бетис" - очколарининг аксариятини жума куни бўлиб ўтган ўйинларда қўлга киритган (21дан 11таси, бу 52%)

"Алавес" голларининг 29% ни ўйиннинг дастлабки 15 дақиқасида киритган, бу Ла Лиганинг энг яхши натижаси.

ЖАРОҲАТЛАНГАН ВА ДИСКВАЛИФИКАЦИЯ ҚИЛИНГАНЛАР:

"Депортиво Алавес": йўқ

"Реал Бетис": Мусонда - жароҳат.

ИСПАНИЯ ЧЕМПИОНАТИ. Мусобақа жадвали

Тахминий таркиблар:

"Депортиво Алавес": Пачеко - Тео, Лагуардия, Феддаль, Алексис, Кико Фемения - Ману Гарсия, М.Льоренте, Камараса, Ибаи - Дейверсон

"Реал Бетис": Адан - Хосе Карлос, Песселья, Манди, Пиччини - Себальос, Донк, Петрос - Рубен Кастро, Санабрия, Хоакин

Омонжон Тўхтамирзаев тайёрлади

Сайтимизнинг Instagram даги саҳифаси - instagram.com/championat.asia

Превью. Бошқа "Депортиво" бошқа "Реал"га қарши