Бир ой олдин бу клублар Қозонда ўзаро ўйин ўтказишганди. Ўша баҳсда "темирйўлчилар" 2:0 ҳисобида зафар қучишганди. Леонид Слуцкий ўша мағлубият учун реванш олишга ҳаракат қилади. Ёзда Қозон клубига Жорже Деспотович, Олег Шатов ва Михаил Меркулов каби фуболчилар келишди.

"Локомотив" эса Суперкубокдаги мағлубиятдан сўнг мухлисларини чемпионатнинг 1-туридаги ғалаба билан хурсанд қилишга интилади. "Темирйўлчилар" сафида мавсумлар оралиғида Жасур Жалолиддинов, Фёдор Смолов, Виталий Лисцов ва Виталий Лисакович каби футболчилар қўшилишди.

Афсуски бугунги баҳсда ҳам Жалолиддиновнинг майдонга тушиши сўроқ остида. Сабаби Россия премьер-лигаси расмий сайтига таянадиган бўлсак ҳамюртимиз ҳамон "Локомотив" томонидан рўйхатдан ўтказилмаган. Шу боис агар яқин соатлар ичида бу нарса содир бўлмаса Жасур 1-турда қайдномадан ўрин олмайди.

Бу икки клуб ҳозирга қадар 46 бор ўзаро ўйин ўтказишган. "Локомотив" 18 бор, "Рубин" 12 бор ғолиб бўлган. Қолган 16та учрашувда дуранг қайд этилган.

- Ўзаро охирги 8та ўйинда "Локомотив" "Рубин"га умуман ютқазмаган.
- "Локомотив" "Рубин" билан ўтган сўнгги 7та учрашувнинг 6тасида гол ўтказмаган.
- "Темирйўлчилар" Россия премьер-лигасида 11та баҳсдан буён ютқазмай келмоқда.

Рубин - Локомотив
11 август. Қозон. "Ак Барс Арена" стадиони. 22:00.
Бош ҳакам - Сергей Иванов (Ростов-на-Дону).
Трансляция - "Матч-Премьер".

ТАХМИНИЙ ТАРКИБЛАР:

"Рубин": 4-2-3-1: Дюпин, Уремович, Старфельт, Бегич, Меркулов, Коновалов, Абильдгор, Макаров, Шатов, Кварацхелия, Деспотович.
"Локомотив": 4-3-2-1: Гилерме, Игнатьев, Мурило, Чорлука, Рибус, Магкеев, Баринов, Криховяк, Жемалетдинов, Миранчук, Смолов.
Йўқотишлар: йўқ - Антон Миранчук (дисквалификация), Лука Жоржевич (жароҳат).

Муаллиф тахмини: Дуранг

Нарзулла тайёрлади

Превью. "Локомотив" бугун Қозонда меҳмон бўлади