«Локомотив» (Тошкент) – «Бунёдкор» (Тошкент)
1 июль 2016. Тошкент. "ТТЙМИ" стадиони. 19:00
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), Д. Мухторов (Тошкент)
Назоратчи: Ғ. Каримов (Тошкент).

“Бунёдкор” ва “Локомотив” олий лигада 16 бора тўқнаш келишган. Натижалар “қалдирғочлар”нинг устунлигини кўрсатмоқда.

“Бунёдкор” ушбу рақибни 8 марта мағлуб этган. 4та ўйинда дуранг натижаси қайд этилган. “Локомотив” ҳозиргача “Бунёдкор”ни 4 марта мағлуб эта олган. “Бунёдкор” ўзаро ўйинларда 25та гол урган, “Локомотив” футболчилари 18 марта ҳамшаҳарлари дарвозасини ишғол этишган. “Бунёдкор” ўзаро ўйинларда 28 очкога эга бўлган, “темирйўлчилар” ҳисобида 16 очко бор. “Бунёдкор”нинг ўзаро ўйинларда энг йирик ғалабаси 4:0га тенг. “Локомотив”нинг энг йирик ғалабаси – 3:0.

Ўтган мавсум иккала ўйинда ҳам “Локомотив” ғалаба қозонганди. “Темирйўлчилар” майдонида ўтган ўйинда Темурхўжа Абдухолиқов, Жасур Ҳасанов ва Руслан Корян мезбонларга ғалаба келтиришганди – 3:0. “Бунёдкор” стадионидаги учрашувда эса Санжар Шоаҳмедов томонидан урилган гол “Локо”га ғалаба олиб келган – 0:1.

“Локомотив” майдонида ўтган охирги беш учрашув:
13.04.2015 «Локомотив» - «Бунёдкор» 3:0
28.08.2014 «Локомотив» - «Бунёдкор» 1:2
05.08.2013 «Локомотив» - «Бунёдкор» 1:1
08.10.2012 «Локомотив» - «Бунёдкор» 3:1
09.04.2010 «Локомотив» - «Бунёдкор» 0:4

Ўзаро ўйинлар ҳақида факт: “Локомотив” майдонида бўлиб ўтган 8та ўйиннинг тўрттасида меҳмонлар ғалаба қозонган. Битта учрашувда дуранг кузатилган. “Темирйўлчилар” ўз уйиларида уч марта зафар қучишган.

Превью. "Локомотив" - "Бунёдкор"