Ўйин ҳақида 5 та факт:

Мануэль Пеллегринининг таъкидлашича, Яя Туре "Динамо"га қарши баҳсга тайёр
"Манчестер Сити" ўз тарихида икл маротаба турнир чорак финалига чиқиши мумкин
"Динамо" 14-маротаба Англия жамоасини еврокубок учрашувида мағлуб этишга уриниб кўради
Серхио Агуэро, Давид Сильва ва Яя Туреларнинг голлари биринчи учрашувда 3:1 ҳисобидаги ғалаба келтирган
Жорий мавсумда еврокубок учрашувларини ўтказиб юбормаган Сергей Рибалка бугунги баҳсда майдонга тушмайди

Тахминий таркиблар:

"Манчестер Сити": Харт; Санья, Компани, Отаменди, Клиши; Фернандиньо, Туре; Навас, Сильва, Стерлинг; Агуэро.

Ўйнамайди: Делф (жароҳат), Де Брюйне (жароҳат), Тасенде (дисквалификация)

"Динамо": Шовковский; Вида, Хачериди, Драгович, Антунеш; Велозу, Буяльский, Гармаш, Ярмоленко, Гусев; Теодорчик.

Ўйнамайди: Рибка (жароҳат), Рибалка (жароҳат), Морозюк (жароҳат), Мораэс (жароҳат), Петрович, Бурда, Мякушко (мураббий қарори).

Сўроқ остида: Данило Силва (жароҳат)

"Манчестер Сити" бош мураббийи Мануэль Пеллегрини:

"Фикримча, "Манчестер Сити" Чемпионлар лигасида ўсиб боряпти. Мен келишимдан олдин жамоа гуруҳдан чиқа олмаётган эди, камина билан бу вазифа икки маротаба бажарилди. Жорий мавсумда биз янада кучайдик, чунки гуруҳда биринчи ўринни эгалладик ва чорак финалга чиқишга яқин турибмиз.

Бу вазифа ҳозирча уддалангани йўқ. Бизга қарши жиддий рақиб майдонга тушади ва улар бундай ўйинларни жуда кўп ўтказишган. Шу сабабли, асосий мақсадимиз - чорак финалга чиқиш.

Киевнинг "Динамо" бош мураббийи Сергей Ребров:

Асабийлашмасликка ҳаракат қиламиз. Агар хотиржам ўйнасак голли имкониятлар бўлади. Биринчи учрашув натижасидан қатъий назар керакли ҳисоб учун курашамиз.

Тер тўкиб меҳнат қилиш керак. Аммо энг асосийси бир жамоа бўлиш лозим. Бизда кучли футболчиларимиз етарлича, лекин бир бутун бўлиб ўйнаш керак.

Сўнгги учрашувлар:

"Норвич" - "Манчестер Сити" 0:0

"Карпати" - "Динамо" 1:2 (Чачуа 27 - Теодорчик 55, Ярмоленко 64)

Сўнгги натижалар (барча турнирлар)

"Манчестер Сити": ДҒМДҒМ

"Динамо": ҒҒДМҒҒ

Биламизми?

"Динамо" инглиз клубларига қарши меҳмонда ўтган 13 учрашувнинг бирортасида ғалаба қозонмаган (Ғ0 Д2 М11).

Превью. "Манчестер Сити" - "Динамо"