«Машъал» (Муборак) – «Пахтакор» (Тошкент)
31 октябрь 2015. Муборак. Баҳром Вафоев номидаги стадион. 16:00
Ҳакамлар: Р. Бобомурадов (Навоий), Ҳ. Шодмонов (Бухоро), О. Жумаев (Навоий), О. Тўйчибоев (Тошкент)
Назоратчи: Ғ. Каримов (Тошкент).

Бу икки клубнинг йўллари олий лига ўйинларида 29 бор кесишган. Устунлик “Пахтакор” томонида. 20та ўйинда тошкентликларнинг қўли баланд келган бўлса, 4та учрашувда “Машъал” ғолиб бўлган. Беш учрашувда ғолиб аниқланмаган. Тўплар нисбати “Пахтакор” фойдасига 57:19. Ўзаро ўинларда “шерлар” 65 очкони, “Машъал” эса 17 очкони қўлга киритган.

“Пахтакор” олий лигада “Машъал” устидан 4:1 ҳисобида ғалаба қозонган. Бу ўзаро ўйинлардаги пойтахт клубининг энг йирик ғалабасидир. “Машъал”нинг ўзаро ўйинлардаги энг йирик ғалабаси эса 2:0 бўлиб турибди.

Биринчи даврада Тошкентдаги ўйинда “шерлар” ғалаба қозонишган. Станислав Андреевнинг дубли ва Кахи Махарадзенинг урган голига “Машъал” сафида Зафар Тўраев жавоб берганди – 3:1.

Муборакда ўтган сўнгги беш учрашув:
05.04.2014 «Машъал» - «Пахтакор» 0:1
10.05.2012 «Машъал» - «Пахтакор» 0:3
24.04.2011 «Машъал» - «Пахтакор» 1:0
25.09.2010 «Машъал» - «Пахтакор» 1:2
24.08.2009 «Машъал» - «Пахтакор» 0:0

Ўзаро ўйинлар ҳақида факт: “Машъал” ўз майдонида бўлиб ўтган учрашувларда бу рақибни 3 бор таслим қилган. “Пахтакор” сафарда 7 бор ғалаба қозонган ва 4 марта дуранг ўйнаган. Охирги икки ўйинда “Машъал” Муборакда икки бор гол уролмай ютқазган.

Превью. "Машъал" - "Пахтакор"