«НЕФТЧИ» – «ДИНАМО»
31 май. Фарғона. "Қиргули СК". 17:30
Ҳакамлар: Ҳ.Рўзиев, А.Усмонов, Т.Гайнулин, А.Жўрахонов
Назоратчи: Р.Серазетдинов.

Бу жамоалар шу кунга қадар ўзаро 40 марта куч синашишган. Натижалар “Нефтчи”нинг каттагина устунлигини кўрсатмоқда. Фарғоналиклар 40 баҳснинг 28 тасида ғалаба қозонишган. 10 учрашувда “Динамо”нинг қўли баланд келган. Иккита ўйинда эса дуранг қайд этилган. Тўплар нисбати ҳам табиийки “Нефтчи” фойдасига 79-35. Ўзаро ўинларда “Нефтчи” 86 очони қўлга киритган бўлса, “Динамо” 32 очкога эга бўлган.

“Нефтчи”нинг “Динамо” устидан қозонган энг йирик ғалабаси - 8:0. “Динамо”нинг “Нефтчи” устидан қозонган энг йирик ғалабаси эса - 3:1 ни ташкил этади.

Ўтган йил 1-турда Фарғонада бўлиб ўтган баҳсда майдон эгалари Анвар Бердиевнинг голи эвазига уч очкога эга бўлишган. 26-турдаги ўйинда эса “Динамо” Самарқандда “Нефтчи” дарвозасига жавобсиз 2 та гол урган. Биринчи бўлимда Фаррух Шотурсунов, иккинчи бўлимда Азамат Бобожонов тўп киритишган.

Фарғонада ўтган сўнгги беш учрашув:
02.03.2013 «Нефтчи» - «Динамо» 1:0
26.03.2012 «Нефтчи» - «Динамо» 1:0
14.05.2011 «Нефтчи» - «Динамо» 1:0
26.08.2010 «Нефтчи» - «Динамо» 3:2
29.06.2009 «Нефтчи» - «Динамо» 2:0

Ўзаро ўйинлар ҳақида факт: “Нефтчи” ўз уйида бу рақибга қарши бўлиб ўтган охирги 11та ўйинда фақат ғалаба қозонган. Самарқандликлар сўнгги бор Фарғонадан 2000 йилда уч очко билан қайтишган. Бундан ташқари “Динамо” охирги уч мавсумда Фарғонада гол ура олмаган.

Нарзулла Сайдуллаев.

Превью. "Нефтчи" - "Динамо"