«Олмалиқ» (Олмалиқ) – «Локомотив» (Тошкент)
14 май 2015. Олмалиқ. "ОКМК" стадиони. 19:00
Ҳакамлар: В. Серазетдинов (Тошкент), Р. Самандаров (Навои), О. Жумаев (Навои), А. Рисқуллаев (Тошкент)
Назоратчи: Р. Айтеков (Тошкент).

“Олмалиқ“ ҳамда “Локомотив“ шу кунга қадар ўзаро 12 маротаба куч синашишган. Натижалар "Локомотив”нинг устунлигини кўрсатмоқда. “Олмалиқ” 3та ўйинда ютган, “Локомотив” ҳисобида эса 7та ғалаба бор. Яна иккита ўйин дуранг билан тугаган. Тўплар нисбатида тошкентликлар устун: 19-15. Ўзаро ўйинларда “Олмалиқ” 11, “Локомотив” эса 23 очко қўлга киритган.

“Олмалиқ”нинг “Локомотив” устидан қозонган энг йирик ғалабаси – 4:0. Ўз навбатида “темирйўлчилар”нинг “Олмалиқ” устидан қозонган энг йирик ғалабаси – 3:0 ни ташкил этади.

Ўтган йил биринчи даврада “Локомотив” ўз уйида йирик ғалабага эришган. Фарҳод Тожиев ва Жасур Ҳасанов биринчи бўлимда, Виктор Карпенко эса иккинчи бўлимда омалиқликлар дарвозасига гол уришганди – 3:0. Иккинчи даврада Олмалиқдаги учрашувда битта гол ўйин тақдирини ҳал қилган. Фарҳод Тожиевнинг киритган тўпи “темирйўлчилар”га ғалаба келтирган – 0:1.

Олмалиқда ўтган барча учрашувлар:
17.10.2014 «Олмалиқ» - «Локомотив» 0:1
10.08.2013 «Олмалиқ» - «Локомотив» 1:2
20.06.2012 «Олмалиқ» - «Локомотив» 1:0
11.09.2010 «Олмалиқ» - «Локомотив» 1:1
12.09.2009 «Олмалиқ» - «Локомотив» 4:0
08.08.2008 «Олмалиқ» - «Локомотив» 4:3

Ўзаро ўйинлар ҳақида факт : “Олмалиқ” клуби шу кунгача олий лигада ўз майдонида “Локомотив”ни уч марта таслим қилган. Битта ўйинда дуранг қайд этилган. Иккита баҳсда “Локо” сафардан ғалаба билан қайтган. Эътиборлиси бу ғалабалар охирги икки йилда қўлга киритилган.

ПРЕВЬЮ. "Олмалиқ" - "Локомотив"