Ўзаро учрашувлар тарихи

“Металлург” ҳамда “Қизилқум” жамоаларининг ўзаро тўқнашувларига назар ташлайдиган бўлсак, жамоалар бугунгача миллий чемпионатимиз доирасида 48та ЎЙин ўтказишган. Шуларнинг 18тасида “Металлург” ғалаба қозонган бўлса, 12та учрашувда дуранг қайд этилган. 18та ўйинда эса “Қизилқум”нинг қўли баланд келган. Киритилган ва ўтказиб юборилган тўплар фарқи 62:61, “Металлург” фойдасига. Бекободликлар бу рақибни икки марта 4:1 ҳисобида ютган (2006, 2019). “Қизилқум” эса 2006 йили "Металлург" дарвозасига жавобсиз бешта тўп (0:5) киритган

Бекободда мазкур жамоалар ўртасида кечган 24та учрашувининг 12тасида майдон эгалари ғалаба қозонган. 6та учрашувда дуранг қайд этилган. 6та баҳсда Навоийликлар қўли баланд келган. Тўплар фарқи – 41:26.

Сўнги тўқнашувлар

13.08.2023 "Қизилқум" - "Металлург" 0:2

Голлар: 77" Ғофуров, 90+3" Абдуманнонов

19.03.2023 "Металлург" - "Қизилқум" 1:0

Голлар: 58" Ғофурбеков

29.09.2022 "Қизилқум" - "Металлург" 0:1

Голлар: 51" Ўринбоев

06.05.2022 "Металлург" - "Қизилқум" 1:1

Голлар: 26" Саттаров, 90+6" Азимов

27.11.2021 "Қизилқум" - "Металлург" 1:3

Голлар: 11" Абдуллаев, 36" Раҳматуллаев, 64" Кухианидзе, 62" Саттаров

Навоийда ўтган охирги ўйиндан highlights

Жорий мавсумдаги натижалар

Учрашувдаги номинал мезбон "Металлург" жамоаси жорий мавсумда чемпионатимиз доирасида 5та учрашувда иштирок этди ва ҳали ғалаба қозона олмади. Дастлабки турда Тошкентнинг "Локомотив" жамоасига қарши кечган учрашувда 2:2 ҳисобида дуранг қайд этишган бўлса, иккинчи турда "Сўғдиёна"га қарши учрашувда нурсиз дуранг қайд этилди. Учинчи турда Фарғонага сафар қилган Стешевич шогирдлари "Нефтчи"га 0:1 ҳисобида мағлуб бўлишди. "Динамо"га қарши кечган тўқнашувда эса Бекободликлар дастлаб ҳисобда олдинга чиқиб олишади, аммо учрашувнинг сўнги дақиқаларида ўтказиб юборилган гол туфайли 1:2 ҳисобидаги мағлубиятни қабул қилиб олишади. Сўнги турда эса "Металлург" "Пахтакор"га 3:4 ҳисобида мағлубиятга учради.

"Қизилқум" эса аксинча мавсумни ажойиб тарзда бошлади. Дастлаб "Бунёдкор", кейин эса "Сурхон" устидан ғалаба қозонишди. "Насаф"га қарши кечган учинчи тур баҳсида эса кичик 1:2 ҳисобида мағлуб бўлишди. "Локомотив"га қарши дуранг ва "Сўғдиёна"га мағлуб бўлган Саидов шогирдлари, сўнги турда ўз ўйида "Нефтчи"ни қабул қилишди ва 1:1 ҳисобидаги дуранг натижа қайд этишди.

Ҳакамлар

Ўзбекистон футбол ҳакамлари маркази бўлажак учрашувга бош ҳакам этиб Фирдавс Норсафаровни тайинлаган. ВАР ҳаками сифатида эса Аҳрол Рисқуллаев ишлайди.

Металлург — Қизилқум

11 май, 19:00

Бош ҳакам: Фирдавс Норсафаров

Ёрдамчи ҳакамлар: Шоҳнур Йўлдошев, Ришат Нугманов

Захира ҳакам: Маъмуржон Илжомов

ВАР: Аҳрол Рисқуллаев

АВАР: Александр Сидоров

Назоратчи: Бахтиёр Намозов

Комиссар: Жаҳонгир Раҳматуллаев

Жамоалар либоси

Бугун жамоалар ушбу лисобларда майдонда ҳаракат қилишади

Муаллиф тахмини

Бугунги учрашувда яққол фаворит йўқлиги аниқ, аммо "Қизилқум" футболчиларининг индивидуал маҳорати учрашув тақдирини ҳал этса керак. "Қизилқум"нинг кичик ҳисобдаги ғалабасини таҳмин қиламан.

Абдулвосит Бектемиров таййёрлади

ПРЕВЬЮ. "Қизилқум" "Металлург"дан ўтган мавсум мағлубиятлари учун аламини оладими?