Футболга ўзига яраша жозиба бағишлайдиган голлар ҳақида тўхталиб ўтсак.

4-турнинг 4та ўйинида жами 11та гол қайд этилди. Шундан 7тасини мезбон жамоалар киритган. Қолган 4та гол меҳмонлар ҳисобига ёзилган.

Учрашувларнинг биринчи бўлимида 2та тўп киритилган бўлса, иккинчи таймда сермаҳсуллик ортди ва стадионга келган мухлислар яна 9та голга гувоҳ бўлди.

Турнинг энг тезкор голи 23-дақиқада содир бўлди. “Истиқлол” ҳимоячиси Абдухолиқ Қурбонов “Динамо” дарвозаси томон белгиланган пенальтини аниқ амалга ошириб, учрашувда ҳисобни очишга эришди. Эътиборлиси унинг голи жамоаси ғалабасини таъминлади. Аксинча турнинг энг сўнгги дақиқада киритилган голи эса 90+5-дақиқада юзага келди. “Андижон” ҳужумчиси Даврон Исоқов сафарда “Сурхон”га кечган баҳсда ўз активига битта гол ёздириб қўйишга эришди. Аммо унинг жамоаси бу сафар мағлубиятга учради.
4-турнинг “Истиқлол” – “Динамо” ўйинида тошкентлик ҳакам Азиз Асимов ҳар икки жамоа дарвозасига биттадан пенальти белгилади. Аввалига мезбонлар сардори Абдухолиқ Қурбонов унумли фойдаланган бўлса, иккинчи бўлимда “Динамо” футболчиси Амиржон Сафаров ҳам нуқтадан адашмади. Аммо унинг жамоаси мағлуб бўлди.
Поёнига етган турда эътиборлиси иккита ва ундан ортиқ гол урган футболчи кузатилмади. Шунингдек автогол ҳам қайд этилмаган.

4-турда гол урган футболчилар

1. Абдухолиқ Қурбонов – (пенальти) “Истиқлол”.
2. Азиз Мадалиев –“Истиқлол”.
3. Амиржон Сафаров – “Динамо”.
4. Санжар Баратов – “Норин”.
5. Қадамбой Нурметов – “Хоразм”.
6. Баҳриддин Ваҳобов – “Сурхон”.
7. Суҳроб Неъматов - “Сурхон”.
8. “Даниэл Насриддинов – “Сурхон”.
9. Даврон Исоқов – “Андижон”.
10. Обид Жўрабоев – “Шўртан”.
11. Наврўз Ҳаипов – “Орол”.

ПРО-Лига, “А” гуруҳи 4-тур. Энг тезкор гол ва бошқалар ҳақида