5-турнинг 4та ўйинида жами 7та гол қайд этилди.

Шундан 3тасини мезбонлар киритган бўлса, қолган 4та тўп меҳмон жамоалар ҳисобига ёзилди.

Учрашувларнинг биринчи бўлимида атига 1та тўп киритилди холос. Иккинчи таймда эса нисбатан сермаҳсуллик ортди ва яна 6та гол қайд этилди.

Турнинг энг тезкор голи 42-дақиқага тўғри келди. “Машъал” ярим ҳимоячиси Сардор Абдураимов биринчи бўлим якунланиб бораётганида аниқ зарбаси билан “Истиқлол” дарвозасини ишғол этишга муваффақ бўлди.

Аксинча ушбу турда энг кеч киритилган гол 87-дақиқага тўғри келди. “Шўртан” сардори Отабек Нарзуллаев сафарда “Андижон” дарвозасига иккинчи тўпини киритиб, жамоаси ғалабасини таъминлади.

Ушбу турда дубл қайд этган биргина Отабек Нарзуллаев бўлди. “Шўртан” жамоаси сардори сафарда “Андижон”га қарши баҳснинг иккинчи таймида кетма-кет иккита гол уриб, жамоаси ғалабасини таъминлади.

5-турда “Норин”, “Сурхон” ва “Шўртан” ўз дарвозалари даҳслизлигини сақлаб қолган жамоа бўлди.

5-турда кимлар гол урди?
1. Мўйдин Мамазулумов – “Динамо”.
2. Қадамбой Нурметов – “Хоразм”.
3. Отабек Нарзуллаев (2та) – “Шўртан”.
4. Сардор Абдураимов – “Машъал”.
5. Жамолиддин Убайдуллаев – “Машъал”.
6. Қаҳрамон Маҳамаджонов – “Истиқлол”.

ПРО-Лига, “А” гуруҳи. Энг тезкор гол ва бошқалар ҳақида