ПРО-Лиганинг “Б” гуруҳидаги 4та ўйинда жами 11та гол қайд этилди. Бу борада “Б” гуруҳи сермаҳсуллик бўйича “А” гуруҳига нисбатан етакчилик қилди дейиг мумкин.

Қайд этилган 11та голнинг 7таси мезбон жамоалар фойдасига ёзилган бўлса, қолган 4та тўпга меҳмонлар муаллифлик қилди.

Учрашувларнинг биринчи таймида киритилган голлар сони 6тани ташкил этган бўлса, иккинчи бўлимда яна 5та гол кузатилди.

5-турда энг кўп гол урган жамоа – “Ёзёвон” жамоаси бўлди. Ўз майдонида “Шердор”га қарши кечган баҳсда ёзёвонликлар жавобсиз 4та тўп киритишга муваффақ бўлди.

Турнинг энг тезкор голи 8-дақиқада содир бўлди. “Нурафшон” ҳужумчиси Фаррух Шотурсунов сафарда “Ғиждувон”га қарши кечган учрашувда биринчи бўлиб ҳисобни очди. Аммо унинг голи жамоасига очко келтирмади.

Аксинча турнинг энг сўнгги голи 90+2-дақиқада урилди. “Ифтихор” футболчиси Саид Абдужабборов “Хотира-79” дарвозасига белгиланган пенальтидан унумли фойдаланиб, сафарда жамоасига ғалаба келтирди.

5-тур ўйинларида ҳакамлар жами 5та пенальти белгилади. Шундан биттаси ноаниқ амалга оширилган.

Саидмаҳмуд Ғуломов (“Локомотив-БФК”), Абдулазиз Жўрабоев (“Ёзёвон”), Саид Абдужабборов (“Ифтихор”) ҳамда Азиз Муротов (“Ғиждувон”) 11 метрлик нуқтадан адашмади. Зоҳид Исмоилов (“Ёзёвон”) эса лотореядан унумли фойдалана олмади.

5-турда ишлаган ҳакамлар орасида Шавкат Насибуллаев “Шердор” дарвозаси томон 2та пенальти белгилаб, бу борада пешқадамлик қилди.

“Ифтихор” ва “Ёзёвон” жамоалари ушбу турда ўз дарвозаси даҳлсизлигини сақлаб қолишга эришди.

Ушбу турда автогол, дубл, хет-трик қайд этган футболчи учрамади.

5-турда кимлар гол урди?
1. Саидмаҳмуд Ғуломов – “Локомотив-БФК”.
2. Ислом Холиқов – “Лабса”.
3. Жасур Сайлиев – “Лабса”.
4. Мақсад Ибрагимов – “Ёзёвон”.
5. Жасур Отахонов – “Ёзёвон”.
6. Абдулазиз Жўрабоев – “Ёзёвон”.
7. Анвар Абдулхақов – “Ёзёвон”.
8. Саид Абдужабборов – “Ифтихор”.
9. Баҳром Нарзуллаев – “Ғиждувон”.
10. Азиз Муротов – “Ғиждувон”.
11. Фаррух Шотурсунов – “Нурафшон”.

ПРО-Лига, “Б” гуруҳи. Энг тезкор гол ва бошқалар ҳақида