Тошкентнинг "Дўстлик" жамоаси бунга қадар Биринчи лига баҳсларида ўз қароргоҳидаги сунъий майдондан фойдаланиб келаётган эди. Эндиликда клуб Про лигада рақибларни "Локомотив" стадионида қабул қилади. Бу ҳақида жамоа бош мураббийи Шуҳрат Қурбонов сайтимиз журналисти Абдулазиз Искандаров билан суҳбатда маълум қилди.

"Уй ўйинларимизни "Локомотив" стадионида ўтказамиз. Машғулотларни эса аввал "Тошкент" деган жамоа ўйнаган майдонни реконструкция қилган ҳолда олиб борамиз",- дейди "Дўстлик" устози Шуҳрат Қурбонов.

Маълумот учун, жамоа илк турни 12 март куни меҳмонда "Арал"га қарши ўтказади.

Про лига дебютанти уй учрашувларини Суперлига клуби майдонида ўтказади