Учрашув ҳар икки жамоаларнинг фаол ҳаракатлари билан бошланди. Шу куни ўз мухлислари қаршисида тўп сураётган "Динамо" футболчилари биринчи бўлим илк дақиқаларидан бошлаб ҳужумкорликни оширдилар. Биринчи бўлимни 4-дақиқасидаёқ мезбонлар футболчиси Павел Пуришкинда қулай имконият юзага келди, бироқ унинг қанотдан уюштирган ҳужуми самарасиз якунланди. Учрашувга узоқ йўл босиб етиб келган "Истиқлол" жамоаси футболчилари ҳам "Динамо"нинг ҳужумларига ҳужум билан жавоб бердилар. Биринчи бўлим 18-дақиқасида меҳмонлар футболчиси Рустам Абдуҳамидов томонидан уюштирилган ҳужум хавфли чиқди, бироқ бу вазиятда омад мезбонлар томонида бўлди, ҳужум самарасиз якунланди. Орадан бир оз вақт ўтиб мезбонлар футболчиси Дамир Темировнинг меҳмонлар дарвозаси томон йўллаган кучли зарбасини ҳимоячилар қайтариб қолишди. Шундан сўнг мезбонларда кетма-кет бурчак зарбаси тепиш имкони юзага келган бўлсада, ҳисоб очилмади. Биринчи бўлимга ҳакам томонидан қўшиб берилган дақиқаларда яна ўша мезбонлар футболчиси Дамир Темировда гол уриш учун қулай имконият юзага келган бўлсада, унинг зарбаси голга айланмади. Учрашувнинг биринчи бўлими 0:0 ҳисобида якунига етди.

Иккинчи бўлим "Истиқлол" футболчилари ҳужумкор ўйини билан бошланди. Меҳмонлар уюштираётган ҳужумлар натижасида Элёр Акбаровда қулай имконият юзага келди. Лекин ушбу вазиятда "Истиқлол" ҳужумчисининг зарбасига аниқлик етишмади. Шундан сўнг "Динамо" футболчилари ҳужумкорликни оширдилар, меҳмонлар ўз навбатида рақибни қарши ҳужумда жазолашга уриндилар. Учрашувнинг 70-дақиқасига келиб меҳмонлар футболчиси Бобур Аминжонов ҳакам томонидан иккинчи бор сариқ карточка билан жазоланиб, майдонни тарк этди. Бу вазият меҳмонларга қўл келди. Ниҳоят учрашувга ташриф буюрган мухлислар гол кўришга муваффақ бўлдилар. 71-дақиқада мезбонлар футболчиси Дилмурод Каримовнинг чамаси 25-метрлардан йўллаган кучли зарбасини мезбонлар дарвозабони қайтара олмади, 1:0. Голдан руҳланган мезбонлар ҳужумкорликни оширган бўлсалар, меҳмонлар ҳисобни тенглаштириш учун астойдил ҳаракат қилдилар. Учрашув сўнги дақиқаларида ҳар икки жамоа аъзоларида гол уриш учун вазиятлар юзага келган бўлсада, ҳисоб ўзгармади. Учрашув "Динамо"нинг 1:0 ҳисобидаги ғалабаси билан якунланди.

Про-Лига. "А" гуруҳи.

33-тур.

"Динамо"-"Истиқлол" 1:0. (0:0)

"Динамо": 27. Шохруҳ Эшбўтаев, 2. Миркомил Локаев, 6. Акмал Холмуродов (с), 10. Павел Пуришкин, 90. Аббос Жумақулов, 17. Жасур Азимов, 20. Дилмурод Каримов, 21. Дамир Темиров, 24. Аваз Агалиев, 41. Суҳроб Иззатов, 70. Отабек Нарзуллаев.

Захира:16. Алижон Алимуҳаммедов, 18. Шерзод Жалилов, 19. Санжар Баратов, 23. Комил Шарофутдинов, 28. Тимур Шарипов, 50. Виктор Григорьев

"Истиқол"12. Нодир Ашурматов, 4. Жасур Эрмаматов, 5. Абдухолиқ Қурбонов, 10. Элёр Акбаров, 11. Хамидулло Абдуҳамидов, 13. Тимур Султонов, 14. Рустам Абдухамидов, 15. Бобур Аминджонов, 18. Обит Жўрабоев, 22. Сардор Теляков, 30. Элдор Эргашев
Заҳира:1. Ислом Абдуллаев, 2. Азиз Мадалиев, 7. Риза Айвазов, 8. Сардор Сотволдиев, 9. Рахимберди Маматкаримов, 19. Абдулазиз Ёқубов, 21. Элёр Мамасолиев

Четлатиш: Бобур Аминжонов 70

Про-Лига. "Истиқлол" Самарқандда тўхтатилди (тўлиқ шарҳ)