Айни дамда Про-лиганинг "B" гуруҳида пешқадамлик қилаётган Воҳид Холбоев шогирдларининг Фарғонада мағлуб бўлганини кутилмаган ҳол десак бўлади. Ўтган турда ўз майдонида "Шердор"ни йирик 6:1 ҳисобида мағлубиятга учратган "нурафшон"чиларнинг сафарда 5-поғонадаги жамоага ютқазиб қўйишини ҳеч ким кутмаган бўлса керак.

Ўйин тенг курашлар остида бошланди. Икки томон ҳам кетма-кет ҳужумлар уюштираверишди. Ўйиннинг 40-дақиқасида бурчакдан оширилган тўпдан кейин "Нурафшон" дарвозабони Равшанбек Ягудин тўпга чиқди. Бироқ тўп ундан ўтиб кетди. Ўткир бурчакдан Дилмуҳаммад Ҳудойбердиев футболчи рақиб дарвозасини ишғол қилди, 1:0.

Голгача "Нурафшон" футболчиси Орифжон Ҳакимжонов бўм-бўш дарвозани ишғол қила олмади. Голдан кейин эса Фарруҳ Шотурсунов ҳам яхшигина вазият юзага келганди. Бироқ унинг ҳам омади келмади.

Учрашувнинг 68-дақиқасида марказдан Мурод Ражабовнинг оширган пасидан кейин Орипхўжа Абдуҳолиқов рақиб дарвозабони билан бирга-бир вазиятга чиққанди. Аммо посбон унинг ўнг оёғига қаттиқ тепди. Ҳакам пенальти белгилади. 11 метрлик жаримани жабрланувчининг ўзи аниқ амалга оширди, 1:1. Шу орқали у Про-лигадаги 13-голини урди ва тўпурарлар пойгасидаги яққол пешқадамга айланиб олди.

Иккинчи бўлимда ҳам икки томонда кўплаб вазиятлар юзага келди. Бироқ вазиятларнинг фақатгина биттасидан унумли фойдаланилди. 87-дақиқада ўнг қанотдан оширилган тўпни яна Дилмуҳаммад Ҳудойбердиев дарвозага жойлаб қўйди, 2:1.

Ушбу мағлубиятдан кейин ҳам "Нурафшон" ва 2-поғонадаги "Шердор" билан орасидаги фарқ 4 очколигича қолди. Самарқанд жамоаси бу турда дам олди.

Про-лиганинг биринчи давраси якунланди. Энди жамоалар 1 ой давомида ҳордиқ чиқаришади. 19-тур учрашувлари 5 августга белгиланган.

Демак, ўйиннинг статистикаси билан танишиб олинг:

Бурчак зарбалари: 6 - 4
Пенальтилар: 0 - 1
Сариқ карточкалар: 1 - 0
Ҳужумлар: 100 - 102
Ҳавфли ҳужумлар: 87 - 86
Тўпни ўзида ушлаб туриш: 51 - 49
Дарвозага аниқ зарбалар: 10 - 4
Ноаниқ зарбалар: 9 - 8

Про-лига пешқадами "Нурафшон" Фарғонада қай тариқа мағлуб бўлди (+Статистика)