7-8 июль кунлари Про лигада 2-тур учрашувлари бўлиб ўтади. Мазкур тур доирасида Яйпаннинг "Турон" жамоаси "Ўзбекистон" ўйингоҳида Тошкентнинг "Оқ-тепа" жамоасига қарши майдонга чиқади. Қуйида кечаги машғулотлардан олинган фотосуратларни томоша қилишингиз мумкин.

Футболчилар машғулотларни енгил югуриш машқлари билан бошлашди.

Бош мураббий Исломбек Исмоилов "Оқ-тепа" билан ўйинга ўзига ҳос режа ишлаб чиққан бўлса ажаб эмас.

"Турон" жамоасининг тажрибали футболчилари Жавоҳир Соҳибов ва Шоҳурҳ Ҳолматовлар олдинда кутаётган жиддий учрашувларда етакчиликни қўлга олишга тайёр эканликларини сезиш қийин эмас.

Жисмоний ҳолатни максимал даражага келтириш учун футболчилар машғулотларда астойдил тер тўкишмоқда.

Фаолияти давомида "Навбаҳор", "Олмалиқ", "Андижон" жамоаларида тўп тепган Акмал Ортиқовнинг тажрибаси бўлажак учрашувларда фойда келтириши турган гап.

Клуб матбуот хизматининг таъкидлашича бу - иновацион машғулот экан.

Футболчилар янги "Puma" тўпларига анча мослашиб олишгани шубҳасиз.

Про лига. "Турон" "Оқ-тепа" билан учрашувга жиддий тайёргарлик олиб бормоқда