Витинья ўз даражаси Франция чемпионатидан юқорироқ лигага тортишига ишонади.

Футболчининг Франция пойтахтини тарк этишни хоҳлаётганининг яна бир сабаби унинг Луис Энрике билан муносабатлари сўнгги ойларда анча совуқлашганида. Футболчи ва мураббий ўртасида келишмовчиликлар пайдо бўлди ва орага совуқчилик тушди.

Витинья агентига "Реал"га ўтиш истагини билдирган. "Реал" бош мураббийи Хаби Алонсонинг фикрича, Мадрид клуби имкон қадар тезроқ Витиньяни қўлга киритиш имкониятидан фойдаланиши керак. У майдон марказида ўйинни ташкил эта оладиган ярим ҳимоячи топишни биринчи ўринга қўяди.

25 ёшли Витинья Энрике қўл остида порлади ва жамоанинг ҳақиқий етакчисига айланди. Португалиялик футболчи "Олтин тўп-2025" якуний рейтингида 3-ўринни эгаллади.

ПСЖ юлдузи бошқа клубга ўтиш ҳақида жиддий ўйламоқда