Лига 1 гранди ўрта чизиқни кучайтириш устида ишламоқда ва 24 ёшли футболчини аллақачон шорт-листига киритган.

Французни ўз томонига оғдириш осон бўлмайди: "Ювентус" хавбекни сотишни истамаяпти ва у билан 2030 йилгача мўлжалланган янги шартнома имзоламоқчи. Кефрен Тюрам Турин клубига ўтган йилнинг июлида "Ницца"дан 20,6 млн евро эвазига ўтган эди.

Футболчининг айни дамдаги нархи Transfermarkt томонидан 40 млн еврога баҳоланмоқда. Ўтган мавсумда Тюрам "кекса синора"нинг 51 ўйинида қатнашиб, бешта гол ва саккизта голли узатмани амалга оширди.

ПСЖ "Ювентус" юлдузини нишонга олди