Қорақалпоғистон мини футбол ассоциацияси тасарруфида ўтказилган мазкур мусобақада 20 та жамоа икки босқичда ғолиблик учун ўзаро баҳс юритди. Дастлабки босқич ўйинлари тўрт гуруҳда давравий тизимда олиб борилди. Якуний натижаларга кўра, ҳар бир гуруҳда биринчи ва иккинчи ўринни эгаллаган жамоалар 1-8 ўринлар учун учрашувларни давом эттирди. Гуруҳда учинчи ўринни эгаллаган жамоалар 9-12, тўртинчи ўриндан жой олганлари 13-16 ва бешинчи ўрин соҳиблари 17-20 ўринлар учун майдонга тушди.

Чемпионатнинг ярим финалида “Инкассатор”(Нукус шаҳри) жамоаси НСК(Нукус спорт коллежи) ни 3:0, “Қария” фахрийлар футбол клуби жамоаси РШИФ(Республика футбол мактаб-интернати)ни 2:1 ҳисобида енгиб, финалга чиқди. Натижада, 3-4 ўринлар учун РШИФва НСК жамоалари куч чинашди. Унда РШИФ жамоаси 2:1 ҳисобида ғалаба қозонди.

“Қария” ва “Инкассатор” жамоалари ўртасидаги ҳал қилувчи учрашувнинг асосий вақтида ғолиб аниқланмади, 3:0. Пеналтилар бўйича “Қария”лар 2:1 ҳисобида зафар қучиб, чемпионлик нашидасини суришди.

Ўз навбатида Улуғбек Янгибоев( “Энг яхши дарвозабони”, “Инкассатор”), Марат Ауезниязов( “Энг яхши ўйинчи”, РШИФ) ва Темур Қуламетов(“Энг яхши тўпурар, 14 та тўп, “Қария” ФК)лар чемпионатнинг энг яхшилари деб топилди.

Икром ХУДОЙБЕРГАНОВ.

“Қария” – Қорақалпоғистон Республикаси чемпиони