Ўзбекистоннинг янги чемпиони "Насаф" клуби ўз майдонида Жиззахнинг "Сўғдиёна" клубини қабул қилади.

Соат 17-00 да бошланадиган ўйин тугагач "Насаф" клубига Ўзбекистон чемпионларига аталган махсус кубок топширилади.

Мазкур баҳсни ёритиш ва Рўзиқул Бердиев билан интервью ташкил этиш учун ижодий жамоамиз билан бироз бироз аввал Тошкентдан Қаршига етиб келдик. Насиб қилса, championat.asia сайтида эксклюзив кадрларни тақдим этиб борамиз.

Қарши шаҳрида футбол мухлисларини учратдим. Бугунги ўйинга албатта боришларини ва севимли клубларини байрамига шерик бўлишларини айтишди. Стадионга кириш бепул эканини билишганидан кейин шу ишни қилганнинг отасига раҳмат деб қўйишимни тайинлашди.

Демак, бугун барча йўллар Қаршидаги "Марказий" стадионга элтади.

Нарзулла Сайдуллаев Қарши шаҳридан

Қаршидан гапирамиз ва кўрсатамиз