Халвор Экеланд (мухбир) ва Локман Горбани (фотосуратчи) 2022 йилги жаҳон чемпионати иншоотлари қурилишида иштирок этаётган муҳожир ишчиларининг меҳнат ва яшаш шароитларини ёритувчи материал тайёрлаш вазифасини олдилар.

Норвегиялик журналистлар ишчилар билан, шунингдек, маҳаллий режимни танқид қилувчилардан бири билан суҳбатлашди. Бундан ташқари, улар ЖЧ-2022 учун масъул ходимдан интервью олишди.

Журналистлар якшанбадан душанбага ўтар кечаси тахминан ярим тунда ҳибсга олинган ва сешанба куни эрталаб қўйиб юборилган. Ҳозирда 32 соат ҳибсда бўлган иккала ходим Норвегияга қайтишган.

Журналистлардан телефонлар, компьютерлар, фотоаппарат ва суратга олинган материаллар тортиб олинган.

Қатар расмийлари журналистлар хусусий ҳудудга ноқонуний рақишда кирганликлари ва рухсатсиз суратга туширишгани учун ҳибсга олинганини айтди.

NRK бош директори Тор Гьермунд Эриксен вазият ҳақида шундай деди: "Оммавий ахборот воситаларини дунёдаги энг йирик спорт тадбирларидан бирида эркин ва мустақил журналистика билан шуғулланишига тўсқинлик қилиб бўлмайди. Бу масалани ФИФА билан қандай ҳал қилиш тўғрисида ўйлаб кўрамиз".

Норвегиянинг "Verdens Gang" газетаси ФИФАдан вазият бўйича изоҳ сўраган, аммо ҳеч қандай жавоб ололмаган.

Қатар ЖЧ-2022 иншоотларида муҳожир ишчиларининг шароитларини ёритган икки журналистни 32 соатга ҳибсга олди