Қатар кубогида Юлдузлар лигасида дастлабки тўрт ўринни эгаллаган клублар тўқнаш келишди.

Мамлакат чемпиони "Ал Райян" клуби қуръага кўра ярим финалда тўртинчи ўринни эгаллаган "Лаҳвия"га қарши ўйнади. Унда "Бунёдкор"нинг ОЧЛдаги рақиби "Лаҳвия" клуби 3:1 ҳисобида зафар қучди.

Кеча ҳамюртимиз Сардор Рашидов тўп тепаётган "Ал Жайиш" бронза медалга эга чиққан Хави бошчилигидаги "Ал Садд" клуби билан куч синашди. Бу баҳсда "Ал Жайиш" ғолиб бўлди - 3:2. Учрашувдаги биринчи голни айнан Сардор Рашидов урди. Баъзи манбаларда гол рақиб ҳимоячисига автогол сифатида ёзилган. Ўша вазиятда Рашидов бурчак тўпини амалга оширган тўп рақибга тегиб дарвозадан ўрин олди.

Ярим финал ғолиблари 29 апрель куни финалда тўқнаш келишади.

Қатар кубоги. Ярим финал
24 апрель
"Ал Райян" - "Лаҳвия" 1:3
Голлар: Касерес 86 - Мсакни 50, Мунтари 56, Нам Таэ Хи 75.

25 апрель
"Ал Жайиш" - "Ал Садд" 3:2
Голлар: Сардор Рашидов 33, Ромариньо 55, Ҳамдаллаҳ 72 - Ҳассан Ҳайдос 36, Муртазо Пуралиганжи 89.

Финал
29 апрель

"Лаҳвия" - "Ал Жайиш"

Қатар кубоги. Рашидов гол урди, "Ал Жайиш" финалга чиқди