"Қатар" СК - "Умм Салал" 1:1
Гол: Кайке (51), Фаҳад Ҳалфан (72).
"Қатар" СК: Жассим Ал Хаил (Мутасим Ал Бустами, 15), Муҳаммад Ал Раби, Али Авад (Абдулазиз Одил, 67), Носир Пир, Мехди Баррахма, Абдунасур Ал Ҳаётий, Алехандро Гальвес, Эйса Паланги, Ҳамад Мансур (Ҳолид Абдулрауф, 89), Сардор Рашидов, Кайке Родригес.
"Умм Салал": Солиҳ Ал Каани (Мухсин Томбари, 46), Иброҳим Носир (Абдулраҳмон Абубакар, 87), Аюб Азизи, Рауль Бесерра (Фаҳад Ҳалфан, 61), Исмоил Иброҳим, Муҳаммад Касола (Одил Ал Сулаймоний, 46), Волид Меслуб, Баба Малик, Куайе Авулжи (Рами Фаёз, 61), Яҳё Умар, Энес Сипович.
Огоҳлантириш: Рауль Бесерра (9), Носир Пир (30), Мехди Баррахма (60), Алехандро Гальвес (63), Абдулазиз Одил (71).

ЯНГИЛАШ

УЧРАШУВ ЯКУНЛАНДИ! Сардор Рашидов ассистни ўз ҳисобига ёздириб қўйган учрашувда "Қатар СК" дурангга эришди.

90+3. Кайке ҳужумга ўтиб кетаётганди. Аюб Азизи уни тўхтатди.

5 дақиқа қўшиб берилди.

90. ЗАРБААААААА!! Рашидовнинг узоқ масофадан йўллаган зарбаси ерга бир сапчиб, дарвоза томон кетаётганди. Дарвозабон қийинчилик билан тўпни қайтарди.

89. ЗАРБААА! Кайке қулай нуқтадан жудаааа ноаниқ зарба йўллади.

88. "Умм Салал" тинмай босим қилмоқда. Бурчакдан узатилган тўпни Бустами уриб юборди.

85. Шарҳловчига қойил. Шундай зерикарли ўйинни жуда тез ва қизиқ шарҳламоқда. Шарҳни эшитиб ўйинни кўргинг келаверади)

82. Қатарлик футболчилар жуда ҳам интизомли экан. Ишлатган фоли учун бирданига кечирим сўраб кетишмоқда (безбетларча югуриб кетишмаяпти).

81. Рашидовнинг зарбаси рақибига тегиб, майдонни тарк этди. Бурчак зарбаси.

79. "Умм Салал" ҳимоячиси хатога йўл қўйганди. Кайке вазиятни ўқишда кечикди ва ҳимоячи ўз хатосини тўғрилаб кетди.

76. ИЕЕ!! Рашидовнинг тўп узатишидан кейин рикошет бўлиб, тўп дарвозага кириб кетганди, чизиқдан ўтгандек кўринди. Тўпни аввалига дарвозабон, кейинчалик ҳимоячи қайтариб юборди. ВАРда кўриб чиқиш керак эди.

72. ГОЛ! Фаҳад Ҳалфан пенальтидан унумли фойдаланди!

71. ПЕНАЛЬТИ! "Қатар СК" дарвозаси томон.

70. ВАР ишга тушди. Абдулазиз Одил ўз жарима майдончаси ичида Аюб Азизини йиқитгани учун пенальти белгиланиши мумкин. Умуман олганда бу вазият пенальтига тортади. Абдулазиз Одилга сариқ.

63. Жуда чиройли ва ибратли вазият. Гальвес рақибини ортидан йиқитди. Бесерра унга югуриб келиб, эътироз билдирмоқчи бўлганди. Гальвес қўлларини бирлаштириб, Бесеррадан кечирим сўради. Бесерра Гальвес билан қўл уриштириб ўтиб кетди. Ажойиб!

62. Ўйинни кўриб, қанақасига Қатар чемпионати Ўзбекистонникидан юқори туришига тушуна олмаяпман...

60. УХХХХ!! ВАР ишга тушди. Эҳтимолий қизил карточка кўриб чиқилди. Яхшики Баррахма рақибини ургани учун ҳакам сариқ карточка билан чекланди.

58. ЗАРБАААААА!! Рашидовнинг фаоллигидан кейин Али Авад рақиб дарвозаси томон зарба йўллади. Посбон тўпни қайтарди.

56. ЗАРБАААААА!!! Қанотдан ҳаволатиб узатилган тўпга Кайке боши билан зарба йўллади. Тўп дарвоза тўсинига тегиб, майдонни тарк этди.

53. Тезкор қарши ҳужумга ўтиб кетаётган Сардор Рашидовни Умар Яҳё очиқасига ушлаб тўхтатди.

51. ГОООООООООООЛЛЛЛЛ!!!! Рашидов марказда рақибидан тўпни олиб қўйди ва рақиб жарима майдончаси ёнигача келди. Кейинчалик Кайкега пас оширди. Кайке бир уринишда дарвозани ишғол қилди. Сардордан ассист!

46. Иккинчи бўлим бошланди!

Демак, жамоалар майдонга қайтишди. Иккинчи бўлим бошланишга тайёр.

Биринчи бўлим якунланди. Ҳозирча ҳисоб 0:0.

45+6. ВАР ишга тушди. Ҳакамлар эхтимолий пенальтини кўриб чиқишди. Бироқ бу паллада Касола ишлатган фолига пенальти берилмади.

45+4. Рашидов бир рақибин икки-уч марта алдаб тўпни қанотдан дарвоза ёнига узатди. Подача бироз ўхшамай қолди.

45+2. ЗАРБААААААА!! Рашидовнинг бурчакдан оширган тўпига Ҳамад Мансур боши билан зарба бироз ноаниқ зарба йўллади.

45+1. ЗАРБААААААА!! Рашидовнинг бу сафарги кучли ва айланма траекторияли зарбасини посбон қийинчилик билан уриб юборди.

Биринчи бўлимга 7 дақиқа қўшиб берилди.

45. ЗАРБАААААА!! Рашидовнинг жарима майдончаси ташқарисидан йўллаган зарбасини Каани ушлаб олди.

44. Жуда нозик вазият. Касола "Қатар СК" жарима майдончаси ичида бир неча рақибини алдаганди. Ҳимоячи уни йиқитиб тўпни олиб қўйди.

42. Тўп Бесеррага ўтганида у "Қатар СК" посбони билан бирга бир ҳолатга чиқиб кетарди. Яхшики тўп рикошет билан Ал Бустами қўлларига бориб тушди.

40. Палангининг жаримадан узатган тўпини Касола қайтариб юборди.

37. ЗАРБААААААА!! Носир Пирнинг узоқ масофадан йўллаган хавфли зарбасини Каани қийинчилик билан ушлаб олди.

36. Хавфли вазият бўлиши мумкин эди. Волид Меслубнинг хаволатиб узатган тўпига Бесерра боши билан зарба йўллай олмади.

33. Барраҳма рақиби Бесерра "Қатар СК" жарима майдончаси ичига кириб келиши ва дарвозабон билан бирга бир ҳолатга чиқиб кетишига йўл қўймади.

30. УХХХХХХ!!! Марказда Касолага қарши оёқни тикка олиб бориб, хавфли ўйнагани учун Пир Носир огоҳлантирилди.

27. Али Авад марказда Рашидов томон ноаниқ пас бериб, айбни Сардорга тўнкаб қўйди. Бу паллада тўп Рашидовнинг яқинига ҳам келмаганди. Айтганча, Рашидов чап қанотга ўтиб олди.

26. Иброҳим Носирнинг қанотдан "Қатар СК" жарима майдончаси ичига узатган тўпини ҳимоячилар қайтариб қолишди.

24. Рашидов бошлади. Марказда у бир йўла уч футболчининг орасидан ўтиб, жамоадоши учун пас берди. Чиройли вазият бўлганди.

22. "Қатар СК"нинг бу сафарги ҳужуми Кайкенинг ноаниқ паси сабабли узилиб қолди.

19. "Умм Салал" ҳужумга ўтиб кетаётганди. Гальвес фол орқали ҳужумни тўхтатди.

16. УХХХХ!! Жассим ўрнига майдонга тушган Ал Бустами "қовун тушуриши" мумкин эди. Жамоадоши узатган тўпни тепиб юборишда Мутасим хатога йўл қўйиб, дарвозасига киритиб қўйиши мумкин бўлганди. Тўп бурчакка чиқиб кетди.

14. Дарвозабон Жассим кутилмаганда ҳушидан кетиб қолди. У барибир алмаштирилади.

13. Йўқ, жуда узоқ давом этган суҳбатдан сўнг Жассим ўзида куч топиб, дарвозани қўриқлашда давом этишини маълум қилди. Ҳеч ким ўзгармади.

11. Ал Ҳаил алмаштирилади. Унинг боши боғлаб қўйилди. "Қатар" СК учун жуда ёмон старт.

10. Дарвозабон ҳали ҳам тиббий ёрдам олмоқда. Ҳа у ростдан ҳам қаттиқ зарба қабул қилиб олди.

8. УХХХХХХ!! Ал Раби ўз жарима майдончаси ёнида тўпни рақибига олдириб қўйди. Натижада тўпни Яҳё Умар олиб қўйди ва тўпни қулай нуқтада турган Бесеррага оширди. Дарвозабон тўпни ушлаб олди. Бу паллада Бесерра посбонни тепиб юборгани учун сариқ карточка ишлаб олди.

5. ЗАРБАААААА!! Ҳамад Мансур 100 фоизлик имкониятдан фойдалана олмади. Унинг яқин масофадан йўллаган зарбасини Каани юқори реакция кўрсатиб қайтариб қолди.

4. Рашидов ўнг қанот вингери сифатида ўйнамоқда.

2. Рауль Бесерра ҳужумга ўтди. Лекин уни Али Авад тўхтатиб қолди. "Қатар" СКнинг тезкор қарши ҳужуми поёнига етмади.

1. УЧРАШУВ БОШЛАНДИ!

- Ассалому алайкум ҳурматли футбол мухлислари. Эътиборингизни "Суҳайм бин Ҳамад" стадионига қаратамиз. Ушбу стадионда бугун "Қатар СК" жамоаси "Умм Салал"ни қабул қилади. Учрашувни сизлар билан Миржалол Норматов кузатиб боради.

Қатар. "Қатар" СК дуранг ўйнади, Рашидовдан ассист