Бу ҳақда журналистларга россияликлар бош мураббийи Валерий Карпин маълум қилди.

Ўйин Ар-Райян шаҳрида 7 сентябрь куни маҳаллий вақт билан 18:15 (Тошкент вақти билан 20:15)да бошланади.

"Нега биз бундай вақтда ўйнаяпмиз? Телетрансляция туфайли, биз кечроқ ўйнашни хоҳладик. Ҳароратга келсак, бу кондиционерли яхши стадион эканлигига ишонч ҳосил қилдик. Умид қиламанки, об-ҳаво ўйинга ҳеч қандай таъсир кўрсатмайди", – деди Карпин.

Бош мураббий Россия терма жамоаси футболчиларидан қайси бири Қатарга бормаслиги қачон аниқ бўлишини тушунтирди.

"Ҳозир бу саволга жавоб бера олмайман. Шифокор билан гаплашаман, эртага эрталаб шошилмасдан қарор қилишимиз керак. Футболчилар совиганида муаммолар пайдо бўлиши мумкин. Кимдир бормаслиги аниқ", – дея тушунтирди у.

Қатар Россия билан ўйинда стадион иссиқ бўлмаслигига ишонтирди