Қатар терма жамоаси сўнгги дақиқаларда иккита гол ўтказиб 0:2 ҳисобида мағлубиятга учради.

6 сентябрь куни Ўзбекистон терма жамоаси Дохада Қатар меҳмони бўлади. Биз Эрон билан баҳсда Қатар терма жамоаси таркибида майдонга тушган футболчиларнинг қайси мамлакатда туғилганига эътибор қаратдик.

Асосий таркибда ўйнаган 11 нафар футболчининг фақат 4 нафари Қатарда туғилган экан. Ўйин қайдномасидан ўрин олган 23 нафар ўйинчининг 11 нафари бошқа мамлакатларда туғилишган.

Қуйида Қатар терма жамоаси футболчилари ва улар қайси давлатда таваллуд топгани келтирилган:

Эрон билан ўйинда асосий таркибда тушганлар:
Лекомт-Аддани - Франция
Буалем Хухи - Жазоир
Абдулкарим Ҳассан - Қатар
Педро Мигель Коррея - Кабо-Верде
Аҳмад Ёссир - Қатар
Родриго Табата - Бразилия
Али Ассадалла - Қатар
Карим Будиаф - Франция
Луиз Мартин - Бразилия
Ҳассан Ал Ҳайдос - Қатар
Себастьян Сория - Уругвай

Захирадан тушганлар:
Акром Афиф - Қатар
Муҳаммад Муса - Қатар
Муҳаммад Касола - Гана

Қайдномага киритилган аммо майдонга тушмаган маҳаллийлаштирилган футболчилар:
Аҳмад Эл Сайид - Миср
Омар Барри - Гвинея
Тресор Кангамбу - ДР Конго

Қатар сафида неча нафар маҳаллийлаштирилган футболчи бор?