Ўйиндаги ягона гол 85-дақиқада Акрам Афиф томонидан киритилди. Ўйиндан сўнг қатарликлар устози Феликс Санчеснинг фикрлари қуйидагича бўлди:

- "Ўйлайманки, бу ғалаба футболчиларимизга катта ишонч беради. Биз кучли жамоаларга қарши ўйнай олишимизни кўрсатдик. Бундан кейин ҳам шундай ишлашда давом этишимиз керак. Қатарлик мухлислар терма жамоадан хурсанд. Биз Осиё Кубогида ҳам уларнинг ишончини қозонишга ҳаракат қиламиз. Қатардек жамоани бошқариб, Швейцарияни мағлуб этиш осон эмас. Лекин биз буни уддалай олдик".

Кеча бўлиб ўтган ўйинда Қатар атиги иккита аниқ зарба бериб, шундан биттасида гол урди. Швейцария термаси эса бутун ўйин давомида 17 марта аниқ зарба йўллаб, бирорта тўп кирита олмади. Эслатиб ўтамиз, Қатар Осиё Кубоги-2019да Саудия Арабистони, Ливан ва КХДР билан битта гуруҳда жой олган.

Қатар термаси мураббийи Швейцарияга қарши баҳс ҳақида фикр билдирди