Дастлаб "Жар" стадионида Қирғизистон ва Туркманистон тўқнаш келди (1:1). Учрашувдан сўнг Қирғизистон терма жамоаси устози Урмат Абдукаимов фикрлари билан ўртоқлашди.

"Биринчи ўринда йигитларга ўйин учун миннатдорчилик билдираман. Бугун қайсидир маънода ҳаво ҳарорати тезкор футбол кўрсатишга тўсқинлик қилди. Фикримча, биз кўпроқ ўйинни назорат қилдик, вазиятлар яратдик. Айрим вазиятларда аниқлик ва омад етишмади. Рақиб стандартларда яхши ҳаракат қилди, биз бунга тайёр эдик. Шунга қарамай стандарт уларда асосий қурол бўлиб хизмат қилди.

Айтганимдек тезкорлик камлик қилди. Иккинчидан майдон ҳолати сифатли футбол кўрсатишга жавоб бермади. Тўп сакраб кетаверди. Бир тепар ўйнашда муаммоларга дуч келдик",- дейди Урмат Абдукаимов.

Қирғизистон бош мураббийи: "Майдон ҳолати сифатли футбол кўрсатишга йўл қўймади"