1."Қизилқум" Суперлигада қаторасига 6 ўйиндан бери "Бунёдкор"га ютқазмади (5 ғалаба, 1 дуранг). Бундай воқеа охирги марта 2021 йилги мавсумда рўй берганди.

2."Бунёдкор" Миржалол Қосимов давридан буён (2018 йил) сафарда "Қизилқум" устидан ғалаба қозона олмай келмоқда.

3.Шу мавсум 1-турда "Бунёдкор" дарвозасига тўп киритиб, битта голли узатмани амалга оширган Шаҳбоз Жўрабеков кеча "қалдирғочлар" либосида "Қизилқум"га қарши майдонга тушди.

4."Қизилқум" Суперлига доирасидаги қаторасига 3-ўйинда гол ўтказиб юбормади. Навоий клуби охирги марта 2022 йилнинг баҳорида шундай натижа қайд этган эди.

"Навбаҳор" (0:0)
ОКМК (1:0)
"Бунёдкор" (1:0)

5."Бунёдкор" бир мавсумда икки бор "Қизилқум"га имкониятни бой бериб қўйди. Бунақаси чемпионат тарихида иккинчи марта содир бўлди (2022 йилдан кейин).

6.Кечаги ўйинда ягона гол муаллифи бўлган Муҳаммадали Ғиёсов ўтган йилда "Бунёдкор"га қарши Тошкентдаги ўйинда битта гол урган ва битта голли узатмани амалга оширган эди.

7."Бунёдкор" Суперлигада кетма-кет олтинчи учрашувда ғалаба қозона олмади (2 та дуранг ва 4 та мағлубият). "Қалдирғочлар" бу мавсумдаги ҳозирча ягона ва охирги ғалабасини 8-турда (21 май куни) "Локомотив"га қарши баҳсда қўлга киритишган эди.

"Қизилқум" - "Бунёдкор" ўйинидан кейинги қизиқарли фактлар