Кончиларнинг бу галги рақиби Наманганнинг “Навбаҳор” футболчилари бўлди.

Ўйинни Ҳамиджон Актамов раҳбарлигидаги “Қизилқум” вакиллари кўтаринки руҳда бошлади. Гарчи, баҳсни навоийликлар ҳужумкор руҳда бошлашган бўлса-да, учрашувнинг 16-дақиқасида ўз жарима майдончалари ичкарисида қоидани бузишди. Бош ҳакам Ильгиз Танташев иккиланмасдан ўн бир метрли нуқтани кўрсатди. “Навбаҳор”нинг украиналик легионери Александр Пишчурнинг берган зарбасини дарвозабон Эркин Жабборов бартараф этди ва ўз дарвозаси дахлсизлигини сақлаб қолди.

Шундан сўнг, навоийликлар бор эътиборларини ҳужумга қаратишди. 20-дақиқада жарима майдончаси ичига ҳаволатиб узатилган тўпни “Қизилқум” жамоаси ҳужумчиси Вячеслав Шевченко боши билан рақиб дарвозасига йўллаб ҳисобни очди — 1:0.

Учрашув давомида ҳар икки жамоа мураббийлар штаби таркибларда ўзгартишларни амалга оширганлигига қарамай, ўйин охиригача ҳисоб бошқа ўзгармади ва якунда “Қизилқум” аъзолари “Навбаҳор”дан устун келдилар.

ҲАКАМЛАР ҲУЖЖАТИДАН КЎЧИРМА:

Ўртоқлик учрашуви

2016 йил 17 февраль

“Қизилқум” (Навоий) — “Навбаҳор” (Наманган) — 1:0 (1:0).

Ҳакамлар: Ильгиз Танташев, Руслан Серазитдинов, Андрей Цапенко.

“ҚИЗИЛҚУМ”: Эркин Жабборов, Акмал Рустамов, Георгий Квесиешвили, Азизбек Усмонов, Алишер Юсупов, Самандар Шодмонов, Андрей Деркач, Илҳом Юнусов, Шерали Жўраев, Вячеслав Шевченко, Баҳриддин Ваҳобов.

Захирадан майдонга тушганлар: Ғайрат Жумаев,Отабек Нарзуллаев, Нодирхон Камолов, Сарваржон Холматов, Файзулла Қамбаров.

“НАВБАҲОР”: Алибек Туропов, Тоҳир Шамсиддинов, Игорь Голбан, Хайрулло Каримов, Азиз Ғуломхўжаев, Виктор Карпенко, Дилшод Жабборов, Аъзам Алиев, Анвар Ражабов, Акром Баҳриддинов, Александр Пишчур.

Захирадан майдонга тушганлар: Равшан Арслонов, Қаҳрамон Муҳаммаджонов, Обид Жўрабоев, Дониёр Усмонов, Нодир Мавлонов, Сардор Азимов.

Гол: Вячеслав Шевченко (20).

16-дақиқада Александр Пишчур (“Навбаҳор”) пенальтини амалга ошира олмади.

Четлатиш: Хайрулла Каримов (79).

Назоратчи: Сайфиддин Эрматов.

Бунгача кончилар Тошкент йиғини доирасида “Сўғдиёна”ни 5:3, “Оқтепа”ни 5:1 ҳисобида мағлубиятга учратганди.

Эслатиб ўтамиз, “Қизилқум” футболчилари навбатдаги ўртоқлик учрашувини 19 февраль куни ўтказади. Шу куни навоийликлар Бекободнинг “Металлург” жамоаси билан ўзаро куч синашади.

“Қизилқум” навбатдаги учрашувда “Навбаҳор”дан устун келди