"Қизилқум" U-21 жамоасига техник мағлубият ёзилади

Sherzod Nurmatov
3 mar 2025
Бу ҳақда Профессионал футбол лигаси матбуот хизмати хабар берди.

"27 февраль куни Лига U-21 жамоаси тўп тепадиган майдонларга бефарқ клублар масаласида материал эълон қилган бўлиб, унда "Навбаҳор" U-21 жамоасига техник мағлубият ёзилиши, "Қизилқум" U-21 ва "Хоразм" U-21 жамоалари эса ўз беллашувларини рақиб майдонида ўтказиши баён қилинганди. 

Кейинчалик "Сурхон" клуби Лигага расмий хат йўллаб, "Қизилқум" U-21 жамоасини 9 март куни Термизда қабул қила олмаслигини маълум қилди. Клуб Термизга катта футбол қайтиши режалаштирилаётган Суперлиганинг 2-турига жиддий тайёргарлик кўраётган бўлиб, унга қадар ўз режасини ўзгартиришни истамади. 

Шундан келиб чиқиб, "Қизилқум" U-21 жамоасига “Суперлига ва Про лига регламенти”нинг 5.5-банди иккинчи хатбошиси қўлланилади ва мезбон сифатида унга техник мағлубият ёзилади. 

Маълумот учун, U-21 жамоаси ўз ўйинларини бемалол ўтказа оладиган футбол майдонини тайёрлаш ва уни йил давомида парвариш қилиш қанчага тушиши, шунингдек, ҳар қандай клубнинг хорижлик футболчи ёки хорижий йиғинлар учун қанча маблағ сарфлаётгани Лигага маълум. Биз клубларни ўз ишига профессионал тарзда ёндошишга чақирамиз", – дейилади ПФЛ хабарида.



Sherzod NurmatovМақола муаллифи
Қопқоқ: pfl.uz

Изоҳлар

Шухрат Эргашев
3 mar
Аввал Инфраструктурани тугирлаб куйиб, кейин футболчини руйхатдан утказишга рухсат бериши тизими булиши керак эмасми. Бизда тескариси.
Amirxan Farxadov
3 mar
Bizada faqat bitta asosiy jamoa bor kolgani hech kimga kerak emas, yoshlar qizlar futzal jamoalari
Amirxan Farxadov
3 mar
Trenirovka utish uzini stadion yok, bazasi yok, avtobus yok, ovkat emaydi,premiya yok, yana oqizni kupirtirib superliga emish yana professional klub ????????????