Жорий ҳафтанинг сешанба, чоршанба ва пайшанба кунлари ушбу турнирларнинг ярим финал жавоб ўйинлари ўтказилади.

Бу мавсум Чемпионлар лигаси ва Европа лигасига оид қизиқарли воқеа содир бўлиши мумкин. Агар "Арсенал" ва "Барселона" еврокубокларда ғолиб бўлса, ижара асосида "тўпчилар" шарафини ҳимоя қилаётган кўк-анорранглилар ярим ҳимоячиси Денис Суарес бир мавсумнинг ўзида Европа лигаси ва Чемпионлар лигаси ғолибига айланган биринчи футболчига айланиши мумкин. Суарес қишгача Каталония клуби сафида Чемпионлар лигасининг 2та ўйинида иштирок этди, мавсумнинг иккинчи қисмида эса "Арсенал" таркибида 2та учрашувда майдонга тушди.

Эслатиб ўтамиз, "Барселона" "Ливерпуль"га қарши Чемпионлар лигаси ярим финал илк ўйинида 3:0 ҳисобида ғалаба қозонди, "Арсенал" эса "Валенсия"ни 3:1 ҳисобида мағлубиятга учратган эди.

Қизиқ! Денис Суарес бу натижага эришган тарихидаги биринчи ўйинчига айланиши мумкин