Энди ўзбек ва жаҳон футболининг йирик намоёндалари ҳаёти ва фаолиятига доир бир нечта қизиқарли маълумотлар билан танишиб боришингиз мумкин.

Бугун Бразилия терма жамоаси билан мундиалда (2002), Тошкентнинг "Бунёдкор" клуби билан Ўзбекистон чемпионатида зафар қучган Луис Фелипе Сколари ҳақида гаплашамиз.

Сколари – Европа чемпионати финалида иштирок этган ўзга қитьалик ягона мураббий. Евро-2004 финалида бразилиялик мутахассис бошқарувидаги Португалия терма жамоаси Грецияга имкониятни бой бериб қўйганди.

"Бунёдкор"да ишлаб юрган пайтлари Сколари дунёнинг энг кўп маош оладиган мураббийи эди. Унга "қалдирғочлар" томонидан 13 миллион евро йиллик маош тўланган.

Сколари ўзининг оғир феъл-атвори билан танилган. У ҳакамлар ҳаракатини танқид қилгани ва мухлислар манзилига йўналтирилган ҳақоратли ишоралари туфайли бир неча бор дисквалификация қилинганди.

Фахриддин Рўзиев

"Қизиқарли факт". "Бунёдкор"нинг бразилиялик мураббийи ҳақида