Футболчи янги шартлар асосида каталонияликлар билан шартнома тузишни истамаяпти.

Diario Sport маълумотига кўра, футболчи учун учта вариант таклиф этилган: у таклифга рози бўлади, ёки ўзи учун 15 миллион евро тўлашга тайёр клуб топади ёки мавсумни "Барселона Б" сафида ўтказиб, жамоа ўйинларини трибуна орқали кузатади ҳамда ёзда эркин агент сифатида кетади.

Маълум бўлишича, футболчи учун 5 миллион евро тўлашга тайёр клуб топилган, аммо бу таклиф "Барселона"ни қониқтирмаган.

Аввалроқ, "Барселона" футболчи учун йилига 2 миллион евро тўлашга тайёрлиги, аммо Мориба 3 миллион талаб қилаётганлиги ҳақида хабарлар тарқалганди.

"Қўл қўясан ёки "Барселона Б"га равона бўласан". "Барса" ўз футболчисига шарт қўйди