Учрашувда мезбонлар сафида Икром Алибоев захирадан майдонга тушиб, 20 дақиқа давомида ҳаракат қилди. У жароҳатидан кейин яна сафга қайтди. Ўйиндан кейин Алибоев фикрларига қулоқ тутдик.

"Қўқон-1912" билан жуда қизиқарли ўйин ўтказдик. Ўйинда кўплар вазиятлар яратдик. Аввалги баҳсларда жамоамиз кўплаб вазиятларни яратганига қарамай, улардан фойдалана олмаганди. "Қўқон-1912" билан баҳсда эса бунинг акси бўлди ва имкониятлардан фойдаландик. Умуман олганда, баҳс Чераннинг бенефсига айланиб кетди.

Жароҳатдан кейин майдонга қайтдим. Бундан хурсандман. Жароҳатим умуман безовта қилмади. Умид қиламанки, бу охирги бор жароҳат столига ётишим бўлади.

Чемпионлик курашида имкониятимиз сақланиб турибди. Биз қолган 4 та ўйинимизни ютишимиз керак. Агар бизга чемпион бўлиш ёзилган бўлса, биз бунга албатта эришамиз", – дея сўзини якунлади Алибоев.

"Шерлар" хавбеки жорий мавсум барча мусобақаларда 16 та ўйинда майдонга тушиб, 2 та голли пас узатди.

"Қўқон-1912" билан ўйин, жароҳати ва чемпионлик кураши ҳақида Алибоев қандай фикрда?